20.09.2019 / 20:01

Ва Узбекістане абмежавалі колькасць гасцей і час правядзення вяселляў 4

Ва Узбекістане зацвердзілі палажэнне пра парадак правядзення вясельных, сямейных, юбілейных урачыстасцей, а таксама сямейных памінальных абрадаў і іншых мерапрыемстваў памяці нябожчыкаў, паведамляе Радио Азатлык.

Паводле дакумента, цяпер усе сямейныя мерапрыемствы, за выключэннем пахавання, павінны праводзіцца ў адзін дзень у перыяд з 06:00 да 23:00. Правядзенне сямейных мерапрыемстваў пасля 23:00 не дапускаецца, але гарадскія і раённыя саветы могуць вызначаць асобна час пачастунку пловам «у залежнасці ад мясцовых умоў».

Колькасць гасцей на сямейных урачыстасцях не можа перавышаць 200 чалавек, а ў пачастунку пловам, звязаным з гэтымі мерапрыемствамі, могуць браць удзел толькі да 250 гасцей.

У двайным вяселлі могуць удзельнічаць да 250 гасцей, на плоў — да 300.

Калі на сямейных мерапрыемствах плануецца больш за 50 удзельнікаў, то з залай, кафэ або рэстаранам павінен складацца дагавор.

На вяселлях, уключаючы цырымонію дзяржаўнай рэгістрацыі шлюбу, а таксама прыезд і ад'езд жаніха і нявесты ў вясельную залу, не дазваляецца выкарыстоўваць больш за тры легкавікі.

Запрашаць на сямейнае мерапрыемства можна будзе не больш за два выканаўцы ці музычныя гурты, пры гэтым з артыстамі павінен складацца дагавор.

Транспартныя паслугі на сямейных мерапрыемствах (за выключэннем пахавання) павінны аказваць ліцэнзаваныя перавозчыкі.

Мерапрыемствы, звязаныя з пахаваннем, могуць доўжыцца не больш за тры дні. Але колькасць гасцей на іх закон не абмяжоўвае.

Адміністрацыя кафэ і рэстаранаў павінна будзе пісьмова апавяшчаць органы ўнутраных спраў аб планаваных урачыстасцях не пазней чым за два дні да мерапрыемства.

NN.by

0
Дед Мороз / Адказаць
21.09.2019 / 01:52
дичь
0
0101 / Адказаць
21.09.2019 / 11:08
У нас дэмакратыі больш чым у якой небудзь Аўстрыі.Ой прабачце, якім небудзь Узбекістане.Азія. Шкада узбекаў.
0
ИП Шамякин, УНП xx5764xxx / Адказаць
21.09.2019 / 19:35
Простите, нескромный вопрос... А первую брачную ночь тоже считать частью свадьбы? Я понимаю, что "а кто узнает?" - и всё-таки? 
А то мало ли, вдруг свечкодержатели волнуются, если таковые бывают.
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру