21.09.2019 / 14:10

Уся трупа Купалаўскага тэатра на адным ФОТА 25

Трупе Купалаўскага тэатра зладзілі фотасесію для будучых пакаленняў, пішуць «Мінск-Навіны».

Акцёры, рэжысёры, аркестр і кіраўніцтва Купалаўскага дружна выстраіліся перад галоўным уваходам у будынак тэатра для ўрачыстага фатаграфавання. Кампанію ім склаў адзін шчаслівы глядач, які праявіў актыўнасць у сацыяльных сетках і выйграў магчымасць стаць часткай вялікай сям'і купалаўцаў.

«У архіве Купалаўскага за апошнiя дзесяцігоддзі не было фотаздымка трупы. Для нас вельмі важна замацаваць у гісторыі менавіта ўсіх тых, хто служыць Купалаўскаму тэатру і тэатральнаму мастацтву. Гэта важная падзея для нас. Спадзяемся, што і для нашай культуры», — сказаў дырэктар тэатра Павел Латушка.

NN.by

9
Жвір / Адказаць
21.09.2019 / 14:21
Тэатр на фотцы, як торт...
5
Кажыма праўду / Адказаць
21.09.2019 / 14:55
Першы злева сядзіць стылёвы дзядзечка Уладзімір Рагаўцоў – заслужаны артыст Беларусі, уладальнік адметнага лагоднага голасу, што агучыў шмат выдатных радыёпастановак (у тым ліку і «Шляхціц Завальня»).

Пяты злева сядзіць Генадзь Аўсяннікаў – народны артыст Беларусі, выканаўца чароўнага монаспектакля «Беларусь у фантастычных апавяданнях» (паводле Я.Баршчэўскага).

Ідзі ў свет, шукай сабе долі, любі Бога, бліжняга і праўду. Воля Творцы цябе не пакіне. Служачы, будзь адданы і працавіты, калі зазнаеш няшчасце, цярпі, у бядзе не паддавайся роспачы, памятай, што няма нічога вечнага на свеце, толькі на небе тыя самыя свецяць зоркі і тое ж самае сонца ад стварэння свету.
Калі спаткаеш дзесьці там шчаслівейшых ад нас людзей, калі ў вёсках і ў гарадах у іх заўсёды песні, музыка і вясёлыя забавы, калі ўся зямля нагадвае пышны сад і штогод добра ўзнагароджвае земляробаў, не забывай пра пакуты сваіх землякоў, няхай твая малітва да Бога лучыцца з іх малітвамі. Можа, калі-небудзь і нашыя дзікія пушчы і лясы загучаць вяселлем, Бог магутны і міласэрны.
Ян Баршчэўскі, «Шляхціц Завальня» частка «Ад'езд» (пер. Мікола Хаўстовіч)
3
Читатель / Адказаць
21.09.2019 / 15:07
Жвір, архитектура здорового человека.
Паказаць усе каментары/ 25 /
Каб пакінуць каментар, калі ласка, актывуйце JavaScript у наладах свайго браўзеру