22.09.2019 / 20:32

Беларусы атрымаюць СМС пра пачатак перапісу насельніцтва 2

Кожнаму беларусу прыйдзе СМС пра пачатак перапісу насельніцтва. Пра гэта ў інтэрв'ю СТБ распавяла старшыня Нацыянальнага статыстычнага камітэта Беларусі Іна Мядзведзева.

«Кожнаму грамадзяніну Рэспублікі Беларусь прыйдзе СМС. І таксама будзе дадзены адрас для інтэрнэт-перапісу. Гэта значыць можна будзе з мабільнага тэлефона адразу ўвайсці на наш сайт перапісу», — сказала Іна Мядзведзева.

З 4 па 30 кастрычніка ў краіне пройдзе перапіс насельніцтва. Рэспандэнтам прапануюць адказаць на 49 пытанняў, у тым ліку аб асноўных дэмаграфічных і нацыянальна-этнічных характарыстыках, міграцыйнай актыўнасці, адукацыі, крыніцах сродкаў да існавання, занятасці, колькасці дзяцей, жыллёвых умовах, гаспадарчай дзейнасці.

Перапісацца можна будзе адным з трох спосабаў: самастойна і ў зручны час запоўніць апытальныя лісты праз інтэрнэт, на стацыянарных участках, у сябе дома падчас вуснага апытання перапісчыка.

NN.by

0
ugo / Адказаць
22.09.2019 / 23:13
Многія пярэчаць супраць перапісу. А я так думаю: перапісвацца трэба. Трэба для таго, каб ЯНЫ ведалі і зафіксавалі, што ёсць яшчэ адзін беларус, і яго родная мова беларуская, і ён размаўляе па-беларуску (нават, калі гэта і не так). Калі мы, сьвядомыя беларусы праігнаруем перапіс, то апынецца, што беларусаў у нашай краіне няма. І тады для каго выпускаць беларускамоўныя TV перадачы, аб'явы ў цягніках, мятро, ​​аўтобусах, для каго перакладаць сусветную літаратуру на беларускую мову. І калі беларусаў у нас у краіне не будзе зафіксавана, то тады якія праблемы ў тым, каб далучыць нас да расіі? Перапісвацца трэба.
0
Цетка Алена / Адказаць
23.09.2019 / 11:56
ugo, а няужо есць секта, якая i перапiс "байкатуе" ? Ды пры нашых абставiнах пры кожный малой нагодзе трэба крычвць, што мы есць !
Каб пакінуць каментар, калі ласка, актывуйце JavaScript у наладах свайго браўзеру