23.09.2019 / 15:02

«Прапаноўвалі, адмовіліся. Не так шмат ахвотных памаліцца на беларускай». Мітрапаліт Павел — пра мову набажэнстваў 55

У Беларусі будуць адкрываць беларускамоўныя храмы, калі будуць ахвотныя маліцца на беларускай мове. Пакуль іх — не так шмат. Пра гэта падчас анлайн-трансляцыі прэс-канферэнцыі з Нацыянальнага прэс-цэнтра распавёў мітрапаліт Павел, піша Tut.by

— У Беларусі дзве дзяржаўныя мовы: беларуская і руская. Я неаднаразова казаў: разумець я разумею (беларускую мову), калі ёсць неабходнасць, то буду размаўляць. Сёння, дзякуй Богу, у нас для ўсіх жадаючых, хто хоча маліцца на беларускай мове, ёсць такая магчымасць. Літаральна ў канцы мінулага года да мяне звярталіся беларускамоўныя прыхаджане з просьбай даць магчымасць здзяйсняць набажэнства на беларускай мове. Я ім прапанаваў выбраць любы храм, некалькі варыянтаў мной было прапанавана. Было прапанавана рабіць хоць кожны дзень набажэнствы, на што яны сказалі: «Не, мы кожны дзень не зможам». Тады давайце раз на тыдзень, яны сказалі, што гэта шмат. Аказалася, што не так шмат жадаючых памаліцца на беларускай мове. Але тыя, хто хоча, маюць такую ​​магчымасць, — сказаў мітрапаліт Мінскі і Заслаўскі Павал, Патрыяршы экзарх усёй Беларусі.

Паводле слоў мітрапаліта, у Беларусі ёсць некалькі храмаў, дзе службы праходзяць на беларускай мове.

— Часам гэтую тэму падымаюць толькі толькі для таго, каб не аб'яднаць людзей, а выклікаць нейкую канфрантацыю. Непажадана, каб выкарыстоўвалі ці мову, ці нацыянальнасць, ці нейкія іншыя асаблівасці, каб людзей раз'яднаць. Задача святароў — аб'ядноўваць. Будуць жадаючыя маліцца на беларускай мове, па меры неабходнасці мы будзем адкрываць баларускамоўныя храмы.

NN.by

7
Pavieł Hančar / Адказаць
23.09.2019 / 14:33
Не трэба нічога “адкрываць”, будаўнікі вы нашы. Трэба скласці чамадан і вярнуцца ў Разань.
5
Беларус з-за мяжы / Адказаць
23.09.2019 / 14:35
Неприятный персонаж
9
LitvinM / Адказаць
23.09.2019 / 14:38
Вы хлусіце таварыш сьвятар
Паказаць усе каментары/ 55 /
Каб пакінуць каментар, калі ласка, актывуйце JavaScript у наладах свайго браўзеру