Тэлеканал «Белсат» на сваім сайце і ў сацсетках распаўсюдзіў інфармацыю, што ў мінскай школе №93 адбыўся выбух. Навіна ішла пад шапкай «тэрмінова», паведамлялася, што ў школу нікога не пускаюць.
Адзначым, што школа №93 — гэта тая, якую 1 верасня адкрываў Аляксандр Лукашэнка, знаходзіцца яна ў мікрараёне Вялікі Лес ва Уруччы.
У прыёмнай школы «НН» расказалі, што сёння на тэрыторыі навучальнай установы спрацаваў вогнетушыцель. «Больш ніякіх здарэнняў не было, парашковы «пылок» ужо прыбралі. Цяпер працуем у мірнай і спакойнай абстаноўцы».
Патлумачылі «НН» і адкуль была машына хуткай дапамогі ля будынка. «У аднаго з дзяцей ангіна, таму для яго выклікалі». Школа №93 працягвае працаваць у звычайным рэжыме.
0
0
0
0
0
0
