Дзяржаўтаінспекцыя разглядае варыянты допуску веласіпедыстаў на праезную частку. Па дзеючых ПДР яны абавязаны рухацца па веладарожцы, альбо тратуары. Выязджаць на праезную частку дазваляецца толькі ў выпадку адсутнасці ходнікаў, піша sb.by
«Мы не супраць таго, каб паўналетнія веласіпедысты выязджалі на праезную частку, — распавёў «СБ» начальнік УДАІ МУС Дзмітрый Карзюк. — Больш за тое, у некаторых гарадах мы запусцілі пілотныя праекты, дазволіўшы выязджаць на дарогу веласіпедыстам, пры гэтым падзяліўшы іх паласу руху і паласу руху аўтамабіляў. І мы бачым добры вынік».
На думку кіраўніка ДАІ, з кожным годам веларух у гарадах будзе развівацца ўсё больш актыўна: «А калі мы зазірнем у вёску, то ўбачым: ровар там — асноўны від транспарту. Гэта ўклад жыцця людзей і трэба зрабіць усё магчымае, каб веласіпедыст, які едзе па дарозе, адчуваў сябе бяспечна. Самы лепшы варыянт — падзел палос, пажадана на розных узроўнях».
