16.02.2009 / 12:47

«Следство кончано, цяпер будзе суд» 21

Атрымала працяг гісторыя з канфіскацыяй у кастрычніку мінулага году на беларуска‑польскай мяжы беларускімі мытнікамі 10 паасобнікаў таўсценнага нумару № 7–8 часопіса «ARCHE» за 2008 год, прысвечанага ў асноўным дарасейскай гісторыі Беларусі.

Атрымала працяг гісторыя з канфіскацыяй у кастрычніку мінулага году на беларуска‑польскай мяжы беларускімі мытнікамі 10 паасобнікаў таўсценнага нумару № 7–8 часопіса «ARCHE» за 2008 год, прысвечанага ў асноўным дарасейскай гісторыі Беларусі.

25 лютага суд Маскоўскага раёну Брэсту пачне разгляд грамадзянскай справы адносна прызнання экстрэмісцкімі нумару часопісу ARCHE №7‑8 за 2008 год.

Нагадаем, 24 кастрычніка летась супрацоўніца брэсцкай мытні Рэната Нядбаева палічыла, што звесткі, якія ўтрымліваюцца ў № 7–8 часопіса ARCHE, «могуць нанесці шкоду нацыянальным інтарэсам Рэспублікі Беларусь». 10 асобнікаў выдання, знойдзеныя ў багажы гісторыка Алеся Пашкевіча, былі забраныя на экспертызу.

На днях рэдакцыя часопіса атрымала экспертнае рашэнне зробленае ўпраўленнем КДБ па Брэсцкай вобласці. Падаём усю аргументацыю брэсцкіх чэкістаў даслоўна. Выкінуць хоць слова з гэтага немудрагелістага дакументу было б недаравальна:

«Проведенным анализом установлено, что в журналах содержатся сведения, которые дискредитируют деятельность органов власти и управления Республики Беларусь, усиливают социально‑политическую напряженность и противостояние в обществе, стимулируют совершение действий, направленных на организацию и осуществление массовых беспорядков, и тем самым создают угрозу безопасности Республики Беларусь в политической сфере. В частности:

— В статье «Парлямэнцкія выбары: беларуская нуда, эўрапейская інтрыга?» (автор В. Силицкий, стр. 11–16) заявляется, что «Практычная адсутнасць інтрыгі і сур’ёзных чаканняў у адносінах да бяссільных прадстаўнічых органаў і пасіўны падыход апазіцыі да выбарчых кампаніяў не пакідае грамадству іншага выбару, акрамя як прыняць загадзя падрыхтаваную прапанову ўладаў. У прыватнасці, практычна адсутнічае супраціў кампаніям датэрміновага галасавання…»;

— В материале «Выбух і шмон: беларускі міні‑Асьвенцім. Круглы стол у рэдакцыі «ARCHE» (стр. 17–27) содержится мнение о действующей власти, согласно которому «… за яе фасадам хаваецца маральнае разлажэньне (якое зь нядаўняй пары нават адкрыта афішуецца) і маральная карупцыя, якая ідзе нага ў нагу за звычайнай»;

— в статье «Менскія манэўры. Лукашэнка выкарыстоўвае выбары, каб здабыць рычагі ў перамовах з ЭЗ» (авторы Б. Ярабик и А. Рабальятти, стр. 28–32) констатируется, что «… улады выкарыстоўваюць выбух для ажыццяўлення сваёй звычайнай тактыкі ўціску апазіцыі, запалохваючы патэнцыйных праціўнікаў і перашкаджаючы любой апазіцыйнай дзейнасці»;

— в публикации «Памяць ахвяраў і памяць катаў» (автор А. Расинский, стр. 33–50) сотрудники органов госбезопасности и фашисты называются созниками: «Саюзьнікі – нацыст і чэкіст – схіліліся над мапай».

Вывод: содержание данных статей свидетельствует о наличии в них информации с признаками экстремистской направленности, что стимулирует протестные настроения населения и разжигает социальную рознь по политическим мотивам».

На аснове вышэйсказанага Ўпраўленне абласнога КДБ просіць прызнаць канфіскаваныя ў Пашкевіча асобнікі часопіса экстрэмісцкімі матэрыяламі і знішчыць іх.

Як казаў персанаж фарсу‑вадэвілю Вінцэнта Дуніна‑Марцінкевіча «Пінская шляхта», станавы прыстаў Кручкоў: «Следство кончано, цяпер будзе суд». Пачатак судовага працэсу прызначаны на 25 лютага, у 9.30 гадзін.

Рэдактар ARCHE Валер Булгакаў кажа: «Мне здаецца, што для сілавікоў гэта была справа гонару давесці матэрыялы да суду. Гэта відавочная выява карпаратыўнай салідарнасці, калі памылка Мытнага камітэту не толькі не была выпраўленая, але і даведзеная да поўнага абсурду.
Тыя абвінавачванні, якія высунутыя супраць ARCHE, не вытрымліваюць ніякай крытыкі. Мы не зрабілі нічога антызаконнага. Разумею, што нашы шанцы выйграць значна меншыя, чым у супрацоўнікаў дзяржаўных органаў, але будзем рабіць усё, што ў нашых сілах. У дадзенай сітуацыі галоўнае не баяцца гэтых прэвентыўных запалохванняў».

Летась КДБ падобнымі экспертызамі прызнавала экстрэмісцкімі змест газет «Свабода» і «Глос знад Немна». Урэшце, суды Гродзенскай вобласці пакінулі гэтыя справы без разгляду. Цяжка спрагназаваць, што будзе гэтым разам з ARCHE.

Зміцер Панкавец

0
нечыкіст / Адказаць
16.02.2009 / 14:29
Вялізная памылка ў 1991 годзе Ельцына і Шушкевіча, што не зьнішчылі КДБ "до основаньня".
0
Андрэй Мельнікаў / Адказаць
16.02.2009 / 15:19
Экстрэмізм - гэта крута... З гэтых прыдзірак можна вызначыць, якіх словазлучэнняў яны тычацца, і ў далейшым выкарыстоўваць словазлучэнні ў скарочаным выглядзе: б.нуда, б.улады (б.у), б.Асвенцым, Лу, уціск а, а.дзейнасць. Пра саюзнікаў, наадварот, варта ўдакладніць час: з 23.08.39 па 21.06.41(уключна). Каб можна было і дакументальна падцвердзіць і на расшыфроўку адзначыць: Ты сказаў! Думаю, магчымасць чытаць \"АРХЭ\" гэтых кампрамісаў каштуе. нечыкіст, КДБ - гэта функцыя. Яе знішчыць загадам немагчыма, хіба што змяніць назву (нават на АРХЭ), падзяліць, далучыць, схаваць, а функцыянаваць яна ўсё адно будзе.
0
Дарэчы / Адказаць
16.02.2009 / 15:21
Вялізная памылка ў 1991 годзе Ельцына і Шушкевіча, што не зьнішчылі КДБ "до основаньня". ------------------------------------------------------------------------ Дарэчы, Ельцын спачатку спрабаваў, праз Бакаціна, толькі адступіў, бо мусіў абапярацца на лаяльнасьць спэцслужб ў супрацьстаяньні анты-рэфарматарскаму экстрымізму і камуністычнаму рэваншу да канца 1993г (ці не самім экс-КДБ інспіраванаму?), а далей ужо позна было. А Шушкевіч... Ды Вы што?! Дарагія «сябры», давайце «шукаць згоды»! :-)
Паказаць усе каментары/ 21 /
Каб пакінуць каментар, калі ласка, актывуйце JavaScript у наладах свайго браўзеру