30.09.2019 / 14:02

Жанчына, што атруцілася грыбамі ў Кобрыне: Выйшла з бальніцы, нарасціла вейкі, зрабіла пазногці 12

Марыя Любімава — гераіня сумна вядомай гісторыі аб тым, як маладая сям’я з Кобрына атруцілася грыбамі. Яе муж памёр, а яна выпісалася з бальніцы і паступова вяртаецца да нармальнага жыцця.

Цяпер, расказвае Марыя, нармальнае жыццё — гэта абследаванні штотыдзень і 20 таблетак штодзень.

«А сыночку, Мірчыку, які яшчэ пакуль знаходзіцца ў бальніцы з маёй мамай, яшчэ больш таблетак выпісалі. Неабходна прымаць лекі супраць непрыняцця печані арганізмам, для разрэджвання крыві, для змяншэння кіслотнасці ў страўніку, для прафілактыкі лёгачнай інфекцыі, некаторыя гармоны. І гэтыя лекі неабходна прымаць паўгода, пасля — па выніках аналізаў. Пры гэтым кожны тыдзень неабходна ездзіць з Кобрына ў Мінск на абследванні. Да таго ж мне нельга падымаць нічога цяжкага і трэба ўвесь час насіць бандаж», — расказвае Марыя Любімава.

Калі жанчына выпісвалася з бальніцы, ёй далі памятку, што можна есці пасля трансплантацыі.

«Фактычна мне можна есці адны супы. Нельга ні шакаладу, ні кавы, ні памідораў. Вядома, нічога тлустага, вэнджанага, вострага. Ні кансерваў, ні соусаў. Але ўсё, што ні робіцца, да лепшага. Я за час у бальніцы схуднела на 10 кілаграмаў», — расказвае Марыя.

Марыя расказвае, што яшчэ дрэнна сябе адчувае: баліць страўнік, цяжка падоўгу хадзіць, немагчыма падымацца па лесвіцы. Але пасля бальніцы ёй захацелася простых чалавечых радасцяў.

На адным пазногці напісана: «Мне пашанцавала». 

«Я нарасціла вейкі, зрабіла пазногці. На выходныя прыходзілі адведаць сяброўкі. Пасля гэтай гісторыі мы сталі яшчэ больш блізкімі. Прынеслі мне ёгурт, цяпер жа я на правільным харчаванні. Замаўлялі піцу. І смех, і грэх. Хоць я і прасіла без грыбоў, але адна з грыбамі ўсё ж трапілася. Ды мне што, мне ўсё адно цяпер яе можна толькі нюхаць», — кажа Марыя.

 

Наталля Тур

9
Генэрал Голад / Адказаць
30.09.2019 / 14:17
Пазітыўны ідыятызм.
5
Матёрый / Адказаць
30.09.2019 / 15:07
Вот, как иногда грибы влияют. Везде есть свои плюсы.
4
гердзень / Адказаць
30.09.2019 / 15:47
а я ўчора папіў піва
Паказаць усе каментары/ 12 /
Каб пакінуць каментар, калі ласка, актывуйце JavaScript у наладах свайго браўзеру