Кур'ёзны выпадак адбыўся ў Брэсце 29 верасня раніцай. У ДАІ паступіў званок ад берасцейца, які паведаміў, што на праезнай частцы па вуліцы Войкава ў мікрараёне Кіеўка ляжыць чалавек. А побач з ім сядзіць сабака. Супрацоўнікі ДАІ аператыўна адрэагавалі на сігнал, піша sb.by.
Афіцыйны прадстаўнік УУС Брэсцкага аблвыканкама Наталля Сахарчук распавяла:
— На момант прыбыцця супрацоўнікаў ДАІ мужчына так і ляжаў на праезнай частцы пад аховай свайго сабакі. Ён быў п'яны. Ад праходжання медыцынскага агляду ён адмовіўся. У дачыненні да 62-гадовага мужчыны складзены пратакол.
0
0
0
0
0
0
