02.10.2019 / 15:06

З Беларусі выехаў расійскі аташэ па пытаннях абароны. Падазравалі ў шпіянажы? 17

Аташэ Расіі па пытаннях абароны, герой Расіі Раман Спірыдонаў больш не працуе ў пасольстве ў Мінску.

Інфармацыя пра гэта з'явілася ў тэлеграм-канале журналіста «Нашай Нівы» Арцёма Гарбацэвіча.

У пасольстве Расіі пацвярджаюць, што Спірыдонаў больш не працуе, афіцыйная прычына — «сканчэнне камандзіроўкі». Калі будзе пераемнік і па якой прычыне ён не прызначаецца, у пасольстве не тлумачаць. 

Крыніцы «НН» сцвярджаюць, што справа звязаная з падазрэннямі ў шпіянажы.

Беларускі МЗС сітуацыю пакуль не каментуе. 

Раман Спірыдонаў

Раман Спірыдонаў нарадзіўся ў 1973 у Алматы ў сям'і вайскоўца. Удзельнічаў у вайне ў Чачні. У 1995 годзе падчас адной з аперацый трапіў у засаду. Камандзір роты быў паранены, таму Спірыдонаў узяў кіраўніцтва ў свае рукі і прарваў акружэнне. За гэта атрымаў званне героя Расіі.

Перад тым, як трапіць у Мінск, працаваў у Францыі. Французская прэса звязвала ягонае імя са скандаламі вакол Марын Лё Пэн, якая, як выявілася, атрымлівала фінансавую падтрымку ад расійскіх структур. 

У Беларусь Спірыдонаў прыехаў з камандай адыёзнага пасла Міхаіла Бабіча. 

ЗП

2
Бел / Адказаць
02.10.2019 / 15:23
Навёз сюда Бабич сотрудников...
1
Walkman / Адказаць
02.10.2019 / 15:50
Вялiкашаноуныя-iнфiльтраваных здраднiкау, калабарантау, насамрэч, набагата больш, згаданая поскудзь-дадатак да купы прарасейскага злачыннага лайна.
0
падарожны / Адказаць
02.10.2019 / 15:51
Нашто нам такія "дружбаны"?калі іх адусюль выпіраюць, нашто нашы пусцілі? Ворагі...
Паказаць усе каментары/ 17 /
Каб пакінуць каментар, калі ласка, актывуйце JavaScript у наладах свайго браўзеру