Пасля сустрэчы з Аляксандрам Лукашэнкам у Жытоміры Уладзімір Зяленскі апублікаваў у фэйсбуку допіс, напісаны часткова па-беларуску.
«У нас з беларусамі агульная мяжа, агульны гістарычны лёс, шмат агульных праблем і выклікаў. Мы хочам, каб у нас былі агульныя магчымасці», — напісаў ён па-ўкраінску.
А потым дадаў сказ па-беларуску. «Міру, росквіту і дабрабыту нашым народам!» — напісаў Зяленскі.
Акрамя выкарыстання беларускай мовы ў фэйсбуку, Зяленскі таксама сёння прывітаўся па-беларуску з удзельнікамі форуму ў Жытоміры.
«Паважаны спадар прэзідэнт… шаноўныя сябры», — сказаў па-беларуску Зяленскі з моцным украінскім акцэнтам. А потым дадаў: «Ну я працую яшчэ».
0
0
0
0
0
0
