05.10.2019 / 15:45

Казахстанскія дактары аформілі жывое немаўля як мёртвае, а потым забілі яго, каб не мяняць дакументы 23

Кіраўніка Атыраускага абласнога перынатальнага цэнтра падазраюць у забойстве нованароджанага немаўляці: пра гэта 4 кастрычніка распавёў намеснік кіраўніка Агенцтва па супрацьдзеянні карупцыі Казахстана Шынгыс Кабдула.

Супраць дактароў завялі крымінальную справу па 99-м артыкуле КК Казахстана — забойства.

Па версіі следства, немаўля было па халатнасці аформлена як мёртванароджанае, хоць фактычна яно было яшчэ жывое. Пасля таго, як дзіця пачало падаваць прыкметы жыцця, лекары вырашылі не пераафармляць дакументы: яны ўжо знаходзіліся ў базе і «не маглі быць адкарэктаваныя», распавёў Шынгыс Кабдула.

Пасля гэтага дырэктар Атыраускага перынатальнага цэнтра загадаў змясціць дзіця ў халадзільную камеру, дзе яно неўзабаве памерла, — мяркуюць следчыя.

Цяпер абвінавачванымі па справе праходзяць два чалавекі: кіраўнік радзільні і акушэр-гінеколаг, які непасрэдна прымаў роды, абодвум пагражае да 20 гадоў пазбаўлення волі.

Пра смерць дзіцяці стала вядома выпадкова, калі ішло іншае расследаванне супраць дырэктара радзільні.

NN.by

3
Лана / Адказаць
05.10.2019 / 16:06
Жах!
2
miserecordia / Адказаць
05.10.2019 / 16:41
Людажерцы!
91
Казік / Адказаць
05.10.2019 / 16:41
Пры аборце гэтыя ж дактары робяць тое самае, але іх не караюць. Вось у іх і праявілася абыякавасць да жыцця.
Паказаць усе каментары/ 23 /
Каб пакінуць каментар, калі ласка, актывуйце JavaScript у наладах свайго браўзеру