Старшыня Саюза афіцэраў генерал-маёр запасу Іван Гардзейчык, які ідзе на выбары ў Палату Прадстаўнікоў, у інтэрв'ю агенцтву «Мінск-Навіны» пракаментаваў, з чым звязаны ранні выхад вайскоўцаў на пенсію.
«У афіцэра высокія нагрузкі і вялікая адказнасць. А яшчэ качавое жыццё. За сваё афіцэрскае жыццё пераехаў 17 разоў разам з сям'ёй. Можаце ўявіць, што гэта такое? Для цывільнага чалавека перабрацца ў суседнюю хату ўжо падзея. Ды і кватэра на новым месцы чакае не заўсёды. Я, будучы генералам, чатыры гады пражыў у інтэрнаце Ваеннай акадэміі на вуліцы Каліноўскага. Так склалася. А любы пераезд звязаны са складанасцямі: дзеці мяняюць школу, жонка — месца працы, ды і сам прыходзіш у абсалютна новы калектыў.
А пенсія… Служыў да 59 гадоў. Сёння ў Ваеннай акадэміі не выкладаю, цалкам аддадзены ветэранскай арганізацыі. Стараемся, як можам, падтрымліваць ветэранаў: не толькі вайсковых, але і ветэранаў працы. Гэта самая неабароненая праслойка грамадства, а бо ў краіне іх больш за 2,5 мільёна», — сказаў Гардзейчык.
