09.10.2019 / 10:47

На мастака, які прыйшоў на адкрыццё выставы голым і прыняўшы віягру, напісалі заяву ў міліцыю 11

Фота Алены Лашкевіч

Дзеянням мастака, які прыйшоў на адкрыццё выставы голым, прыкрыўшы тое самае месца таблічкай «Міністэрства культуры», даюць ацэнку праваахоўныя органы, піша Tut.by

У Нацыянальным цэнтры сучаснага мастацтва палічылі, што Аляксей Кузьміч «дапусціў дзеянні, якія абражаюць Міністэрства культуры, а таксама што яны нанеслі значны ўрон дзелавой рэпутацыі цэнтра».

Таксама цэнтр заявіў «пра поўную недатычнасць да гэтай акцыі», і пра тое, што ён «рэзка асуджае любыя дзеянні і акцыі, якія праяўляюць цынічную непавагу да грамадства і яго дзяржаўных інстытутаў».

«У цяперашні час праваахоўнымі органамі праводзіцца прававая ацэнка дзеянняў Кузьміча А.А.», — заявілі ў НЦСІ.

Прэс-сакратар Міністэрства ўнутраных спраў Вольга Чамаданава пацвердзіла TUT.BY, што міліцыя сапраўды праводзіць праверку.

— Матэрыялы зараз знаходзяцца ў Савецкім РУУС. Але пакуль няма ацэнкі яго дзеянняў.

Таксама яна адзначыла, што праверка пачалася па заяве прадстаўніка ўстановы.

Выставу мінскага мастака адцэнзуравалі. Тады ён наеўся віягры і прыйшоў з шыльдай Мінкульта на тым самым месцы ФОТА

NN.by

1
Вецер валос. / Адказаць
09.10.2019 / 11:01
Нямоглыя як можна абразіць тое чаго не існуе!!???
1
Трактарыст-максімаліст / Адказаць
09.10.2019 / 11:10
Адзін прымушаў выбачацца перад чугунным балваном, а гэтыя я так разумею плануюць прымусіць выбачацца перад шыльдай з надпісам Міністэрства культуры. Які культ улады! Чінопочітаніе 80 lvl. С такім светапоглядам і ў Еўропу? Як іх яшчэ у Друскінінкай пусцілі гэтых цемрашалаў?
24
mikola ramanau / Адказаць
09.10.2019 / 12:01
Velmi dobra! Nihai zamknuc getaga vyczvarenca...! Ni padumau(ion) sto vakom moguc znadzica i dzeci....Idyiot...
Паказаць усе каментары/ 11 /
Каб пакінуць каментар, калі ласка, актывуйце JavaScript у наладах свайго браўзеру