09.10.2019 / 13:32

Іранскія войскі раптоўна з'явіліся ля мяжы з Турцыяй 1

Іранская армія без папярэджання пачала ваенныя вучэнні на паўночным захадзе краіны ля мяжы з Турцыяй. Пра гэта са спасылкай на агенцтва ISNA паведамляе Reuters.

Як адзначаецца, удзел у манеўрах прымаюць падраздзяленні хуткага рэагавання, мабільныя і атакуючыя атрады. Акрамя таго, задзейнічаны і верталёты, якія ўваходзяць у склад паветранага падраздзялення сухапутных войскаў. Вучэнні праходзяць на фоне падрыхтоўкі Турцыі да ваеннай аперацыі на поўначы Сірыі.

Reuters адзначае, што прэзідэнт Ірана Хасан Раўхані заклікаў Анкару праяўляць стрыманасць і пазбягаць баявых дзеянняў на тэрыторыі суседняй краіны. Паводле яго слоў, Турцыя мае права думаць пра свае межы, аднак шлях «павінен быць абраны правільны». Раўхані лічыць, што для гэтага амерыканскія войскі павінны пакінуць рэгіён, а курдам варта падтрымаць сірыйскую армію.

NN.by

1
mikola ramanau / Адказаць
09.10.2019 / 17:38
Malaicy !
Каб пакінуць каментар, калі ласка, актывуйце JavaScript у наладах свайго браўзеру