09.10.2019 / 15:25

Хітры мінчук узяў крэдыт па чужым пашпарце, скарыстаўшыся падабенствам з калегам 1

Сталічныя праваахоўнікі затрымалі 23-гадовага хлопца, які, скарыстаўшыся вонкавым падабенствам са сваім калегам, атрымаў 2000 рублёў, паведамляе гарадская міліцыя.

Тэлефанаванне з банка аб запазычанасці па крэдыце прымусіла захвалявацца 24-гадовага мінчука. Супрацоўнікі банка маладому чалавеку паведамілі, што на яго імя аформлены крэдыты на бытавую тэхніку. Паколькі сам малады чалавек нічога не афармляў, па дапамогу звярнуўся ў міліцыю.

Аператыўнікі вывучылі прадастаўленыя банкам дакументы, правялі праверку і высветлілі, што да афармлення крэдытаў датычны 23-гадовы калега.

Знайшоўшы ў рэчах таварыша пашпарт, ён адправіўся ў найбліжэйшы магазін бытавой тэхнікі, дзе аформіў на імя калегі крэдыт на бытавую тэхніку. Падазрэнняў у супрацоўнікаў банка хлопец не выклікаў, бо меў знешняе падабенства з чалавекам на фатаграфіі ў пашпарце.

Набыўшы тэхніку, ён перапрадаў яе ў інтэрнэце. Грошы патраціў.

NN.by

0
Свободный / Адказаць
09.10.2019 / 17:15
Хитрый но тупой как валенок
Каб пакінуць каментар, калі ласка, актывуйце JavaScript у наладах свайго браўзеру