09.10.2019 / 16:29

Палачанін скінуўся з моста «на вачах у дачкі»  3

Здарэнне адбылося 8 кастрычніка.

Увечары жыхар Полацка Віктар М. зайшоў на закрыты мост, пералез праз парэнчы і закурыў. На мосце знаходзілася група школьнікаў. Падлеткі пачалі здымаць паводзіны мужчыны на відэа. Мужчына блытана патлумачыў, маўляў, «унізе яго дачка», пасля чаго скокнуў у ваду.

Па інфармацыі «Нашай Нівы», М. застаўся жывы. Цяпер ён знаходзіцца ў мясцовай бальніцы.

Што стала прычынай учынку, невядома. Ходзяць чуткі, што на такі крок мужчыну сапраўды падштурхнулі сямейныя праблемы. Тым больш ён крычаў пра дачку, якая нібыта плавала ўнізе.

Але ж трэнер Уладзімір Куц, які выцягнуў мужчыну з вады, паведаміў, што дачкі мужчыны ў вадзе не было:

«Ішла трэніроўка, мае дзеці плавалі. Я раптам пачуў крык, паглядзеў, што з маіх ніхто не перакуліўся. Бачу: ляжыць чалавек на вадзе. Падплыў на катары, узяў яго за руку, пасадзіў у катар.

Я пагаварыў з ім, акуратна — бо ён пагражаў, што яшчэ раз можа скочыць. Плюс у яго былі ўскрытыя вены, вельмі моцна парэзаныя, кроў цякла… Ён мне сказаў: «Вязі мяне ў псіхушку!»

Я асцярожна з ім пагаварыў, пасадзіў у катар, давёз да берага. Там ужо пад’ехалі з МНС, хуткая, міліцыя.

Увогуле, мужчына скочыў удала: можа, страціў на кароткі час прытомнасць ад удару аб ваду — і ўсё. Але нічога не зламаў, здаецца. Цяпер ён у хірургіі праз парэзаныя рукі».

УШ

2
Свободный / Адказаць
09.10.2019 / 17:14
Тем кто на майбахах не понять...
4
Владимир ее / Адказаць
09.10.2019 / 17:18
Нічога не зразумеў
4
Александр / Адказаць
09.10.2019 / 20:32
Мой хороший знакомый,по фамилии Подрес(кличка "Папочка"),много раз прыгал с моста.Он занимался подводной охотой на сомов.А их много стояло около быков.Потом он приобрел изолирующий противогаз КИП,что позволяло ему ходить с камнем на шее по дну Двины.Но один раз зашел в реку с камнем,и в такой позе остался.Нашли его рез несколько дней на глубине 2 метра.
Каб пакінуць каментар, калі ласка, актывуйце JavaScript у наладах свайго браўзеру