09.10.2019 / 21:06

Навукоўцы: таматнае пюрэ паляпшае сперму 10

Лікапін — рэчыва, якое ёсць у памідорах, пазітыўна ўплывае на якасць мужчынскай спермы, даказала праведзенае нядаўна даследаванне, піша BBC.

У ходзе выпрабаванняў на працягу 12 тыдняў здаровыя мужчыны атрымлівалі штодня 14 мг біялагічна актыўнай дабаўкі, эквівалентнай дзвюм сталовым лыжкам канцэнтраванай таматнай пасты.

Па заканчэнні выпрабавальнага тэрміну, як высветлілі навукоўцы, у мужчын, якія ўжывалі дабаўку, палепшылася якасць эякуляту.

У выпрабаваннях бралі ўдзел 60 адвольна адабраных фізічна здаровых мужчын. Частка з іх атрымлівала дабаўку, астатнія — плацэба.

Сперму мужчын прааналізавалі ў лабараторыі перад пачаткам эксперыменту, па завяршэнні шасці тыдняў і пасля завяршэння даследавання.

Навукоўцы не выявілі розніцы ў канцэнтрацыі сперматазоідаў на гэтых трох стадыях, аднак іх марфалогія (знешняя форма) адрознівалася: прапорцыя здаровых сперматазоідаў, як і іх рухомасць былі вышэйшыя ў тых мужчын, якія ўжывалі лікапін.

Наступным крокам будзе паўтор гэтага эксперыменту з мужчынамі, якія маюць праблемы з зачаццем, каб паназіраць, ці палепшыць лікапін якасць іх спермы і ці зможа гэта дапамагчы парам зачаць дзіця.

NN.by

3
хамса / Адказаць
09.10.2019 / 21:11
памідоры карысны для “памідораў”)
1
a.hto.tam.idze / Адказаць
09.10.2019 / 21:15
Пытанне да брытанскіх навукоўцаў: а ці спрацуе гэтае спалучэнне наадварот?
4
mikola ramanau / Адказаць
09.10.2019 / 21:28
Usio ! Perahozu na *tamatnae  piure*.............Moza dapamoza...Praz mesjac u Mensk zbirausja...
Паказаць усе каментары/ 10 /
Каб пакінуць каментар, калі ласка, актывуйце JavaScript у наладах свайго браўзеру