10.10.2019 / 07:12

Дакладчыкам па візавых пытаннях з Беларуссю ў Еўрапарламенце стаў былы мэр Рыгі  2

Ніл Ушакоў заявіў, што падчас візіту ў Мінск на пасадзе мэра Рыгі ён казаў пра тое, што ў ідэале ЕС павінен ісці да бязвізавага рэжыму з Беларуссю, паведаміў тэлеканал АНТ.

- Ясна, што рэжым трэба максімальна спрашчаць. Гэта патрабуе вялікай бюракратычнай і юрыдычнай работы. Гэта не толькі захацелі - і атрымалася. Многія патрабаванні трэба выканаць. Але мая перакананасць, што рэжым павінен быць бязвізавы. Я гэта падтрымліваю на ўзроўні Еўрапарламента ва ўсіх магчымых вымярэннях. Буду прыкладаць усе намаганні, каб пабольш калегаў прагаласавалі «за». Разлічваю на тое, што падтрымаюць, - заявіў Ушакоў.

Дакладную дату галасавання па беларускім візавым пытанні ў апараце Еўрапарламента пакуль не называюць, аднак бакі зыходзяць з таго, што скончыць усе фармальнасці неабходна да канца 2019 года. Пасля ўступіць у сілу новы візавы кодэкс ЕС, які для краін, што не маюць пагаднення, пацягне за сабой падаражэнне шэнгена да 80 еўра.

Пагадненне ж наадварот зніжае цану да 35 еўра і дае заяўнікам магчымасць атрымліваць візы і хутчэй, і прасцей.

NN.by

0
Брыдкая пачвара / Адказаць
10.10.2019 / 09:01
Ушакоў заўжды быў і застаецца сябрам Бклапусі.
0
Лявон Баршчэўскі / Адказаць
10.10.2019 / 22:50
Брыдкая пачвара,

ня сябра ён Беларусі, а сябра свайго кашалька...
Каб пакінуць каментар, калі ласка, актывуйце JavaScript у наладах свайго браўзеру