10.10.2019 / 11:56

Ярмошына пра траціну «старых» дэпутатаў сярод кандыдатаў у новыя: Гэта абсалютна нармальна 7

Фота Вадзіма Заміроўскага

Кіраўнік ЦВК Лідзія Ярмошына лічыць, што жаданне траціны дзеючых дэпутатаў Палаты прадстаўнікоў паўторна балатавацца на выбарах — цалкам нармальна. Менавіта гэтыя людзі змогуць падзяліцца вопытам з новымі дэпутатамі парламента. Такое меркаванне Лідзія Ярмошына выказала журналістам перад пасяджэннем ЦВК, піша Tut.by

Па дадзеных ЦВК з дзеючых дэпутатаў Палаты прадстаўнікоў паўторна балатуюцца ў парламент 34 чалавекі, гэта значыць 31%, што цалкам адпавядае пажаданню Аляксандра Лукашэнкі.

У верасні ў час сустрэчы са старшынёй Палаты прадстаўнікоў Уладзімірам Андрэйчанкам кіраўнік Беларусі выказаў думку, што каля 30-35% цяперашняга складу Палаты прадстаўнікоў зноў павінны пазмагацца за дэпутацкі мандат. Гэта, падкрэсліў ён, дапаможа захаваць пераемнасць у беларускім парламенце.

На думку Лідзіі Ярмошынай у такім жаданні дэпутатаў няма нічога незвычайнага.

— Па-першае, гэта асабістая справа саміх дэпутатаў — ісці на другі тэрмін. Па-другое, я б наогул сказала, што гэта вельмі нармальна. Калі мы звернемся да міжнароднага досведу, то там палітычная дзейнасць даўно з'яўляецца прафесійнай, дзе людзі, увогул, працуюць у парламенце або ў падобных структурах большую частку свайго жыцця, абіраючыся кожны раз у новае скліканне, — лічыць кіраўнік ЦВК.

Ярмошына таксама дадала, што такая колькасць дэпутатаў папярэдняга склікання ў абноўленым парламенце створыць пераемнасць і забяспечыць «самым неабходным вопытам навічкоў, што дазволіць ім пачаць працу цалкам паўнавартасна».

NN.by

0
даведка / Адказаць
10.10.2019 / 13:17
Действительно, что же ненормальное может быть в том, что треть в белорусском парламенте составляют прежние депутаты, треть женщины и еще треть отставные пенсионеры с вожаками БРСМа.
1
1111 / Адказаць
10.10.2019 / 13:26
Зачем у нее вообще брать комментарий? Там "без комментариев"))
0
счётчик Гейгера / Адказаць
10.10.2019 / 15:41
гэта значыць 31%, што цалкам адпавядае пажаданню Аляксандра Лукашэнкі.
https://nn.by/?c=ar&i=238947

Диктатор сказал, диктатор ( его "прихвостни" ) сделал...
В Беларуси НЕТ выборов, есть "назаначение" через фальсификацию диктатором.И точка.
А кто пойдёт на дурыборы - Дур...и !
Паказаць усе каментары/ 7 /
Каб пакінуць каментар, калі ласка, актывуйце JavaScript у наладах свайго браўзеру