10.10.2019 / 13:54

Беларусь палічыць памер кампенсацыі за брудную нафту пасля капрамонту НПЗ 3

Беларусь палічыць памер кампенсацыі з-за паставак няякаснай нафты з Расіі пасля завяршэння ў лістападзе капрамонту сваіх нафтаперапрацоўчых заводаў.

Пра гэта паведаміў сёння журналістам намеснік старшыні канцэрна «Белнафтахім» Андрэй Бунакоў у Палаце прадстаўнікоў, перадае БЕЛТА.

«Канчатковая сума кампенсацыі будзе палічаная пасля капітальнага рамонту нашых нафтаперапрацоўчых заводаў. Калі на «Нафтане» капрамонт завяршаецца, то дзесьці ў пачатку лістапада ён будзе скончаны на Мазырскім НПЗ, які непасрэдна перапрацоўваў брудную нафту. Пасля гэтага будзе палічаная канчатковая сума», — сказаў Андрэй Бунакоў.

Намеснік старшыні «Белнафтахіма» не выключыў, што сума кампенсацыі можа ўключаць і недаатрыманы прыбытак за транзіт нафты.

Пры гэтым ён не ўдакладніў, якую суму для кампенсацыі можа назваць беларускі бок.

NN.by

0
Палкоўнік Зэман / Адказаць
10.10.2019 / 14:26
Палiчыць можна, але атрымаць кампенсацыю будзе малаверагодна.
0
Ляксандра / Адказаць
10.10.2019 / 22:27
Россияне вам уже назвали сумму,которую заплатят.А считать и выставлять можете сколько угодно.Кто же вам запретит.
0
Дед Мороз / Адказаць
12.10.2019 / 01:03
700-800 миллионов $ где-то (тут и считать не нужно)
пусть отдают и свою вонючую (не качественную нефть) сами пусть у себя перерабатвают
Каб пакінуць каментар, калі ласка, актывуйце JavaScript у наладах свайго браўзеру