11.10.2019 / 12:04

«Чалавек, які спыніў 20-гадовую вайну»: Нобелеўскую прэмію міру атрымае прэм'ер-міністр Эфіопіі 8

Нобелеўскую прэмію міру атрымае прэм'ер Эфіопіі Абій Ахмед Алі.

Год таму прэм'ер-міністр Эфіопіі Абій Ахмед адразу пасля ўступлення на пасаду падпісаў мірную дэкларацыю з Эрытрэяй. Такім чынам ён спыніў 20-гадовую вайну паміж дзвюма краінамі.

У 1993 годзе Эрытрэя атрымала незалежнасць ад Эфіопіі, але ў 1998 г. пачаўся ўзброены канфлікт з-за памежных тэрыторый. Актыўныя баі працягваліся два гады. Паводле ацэнак International Crisis Group, за гэты час загінулі ад 70 да 100 тысяч чалавек.

У ліпені 2018 года Абій Ахмед пагадзіўся перадаць спрэчныя зямельныя тэрыторыі Эрытрэі і «пачаць новую эру міру і дружбы».

Абій Ахмед Алі нарадзіўся ў 1976 годзе ў сям'і мусульманіна, які належыць да народа арома, і яго чацвёртай жонкі — хрысьціянкі. У 1991 г. Абій Ахмед Алі далучыўся да паўстанцаў, якія выступалі супраць рэжыму вайсковага і дзяржаўнага дзеяча Менгісту Хайле Марыяма. Пасля прыходу паўстанцаў да ўлады працягнуў службу ва ўзброеных сілах краіны. У 1995 годзе Абій Ахмед Алі ездзіў у якасці міратворца ААН у Руанду, у 1998—2000 гг. удзельнічаў у эфіопа-эрытрэйскім канфлікце.

NN.by

2
мясцовы2 / Адказаць
11.10.2019 / 12:20
Ну вось і файна! Выдатны прыклад таго, што трэба цаніць ў жыцці ў наш час.
1
Яўген_2020 / Адказаць
11.10.2019 / 13:56
Прэмію міру далі за мір. Не кожны год так бывае.
2
Вецер валос. / Адказаць
11.10.2019 / 15:56
Мужчына прыйшоў - Мужчына зрабіў!!!
Паказаць усе каментары/ 8 /
Каб пакінуць каментар, калі ласка, актывуйце JavaScript у наладах свайго браўзеру