11.10.2019 / 13:31

Гламурны тэлевядучы беларусізаваўся. «Я тыповы твар беларускага абывацеля, які патрошачку пачынае ўнутранае адраджэнне» 22

Тэлевядучы і ютуб-блогер Антон Мартыненка перайшоў на беларускую мову. Прынамсі, у сваім твітары.

«Гэта было пытанне часу, — расказаў ён «Нашай Ніве». — Я да беларускай мовы заўсёды ставіўся вельмі станоўча. Разумеў, што тое, што я не размаўляю на ёй ў жыцці, гэта мой страшэнны мінус. У мяне былі цудоўныя выкладчыкі беларускай мовы і літаратуры ў школе і ва ўніверсітэце. Я раблю першы крок з твітара, потым спадзяюся, што раптоўна і інстаграм пяройдзе — там адмянілі лайкі, таму ўжо не страшна».

Акаўнт на роднай мове Антон стаў весці з лютага. Па яго словах, твітар — найлепшая пляцоўка, каб пачаць размаўляць па-беларуску. Гэта самая перадавая сацыяльная сетка, і любыя твае пачынанні аўдыторыя добра ўспрымае. Нават адпісак не было.

«Гэта таксама быў для мяне сацыяльны эксперымент наконт асяроддзя. Усё чакаю, калі мне хто-небудзь скажа: «Задраў са сваёй беларускай мовай, адказвай мне па-расейску». Ніводнага разу такога не было», — дзеліцца тэлевядучы.

На памылкі ў сацсетках яму заўсёды ўказваюць. «Пішуць: купі слоўнікі. Але гэта нармальна. Я сам так раблю!»

«Я тыповы твар беларускага абывацеля, які патрошачку пачынае ўнутранае адраджэнне», — жартуе Мартыненка.

NN.by

57
Адыкватник) / Адказаць
11.10.2019 / 14:01
незразумеу тольки гэта добрая рэклама мове или дрэнная???

смешаныя пачуцци
37
андрушка / Адказаць
11.10.2019 / 14:13
а адказваў для рэдакцыі ён на роднай мове?
50
Nokia / Адказаць
11.10.2019 / 14:34
Той выпадак калі пасрэднасць хоча хайпануць. Не цікавы ён мне ні па-беларуску, ні па-руску.
Паказаць усе каментары/ 22 /
Каб пакінуць каментар, калі ласка, актывуйце JavaScript у наладах свайго браўзеру