Сукупны доўг кампаній, звязаных з расійскім алігархам Міхаілам Гуцэрыевым і яго сваякамі, а таксама яго пляменнікам Мікаілам Шышханавым, дасягнуў амаль трыльёна расійскіх рублёў, гэта прыкладна $15 мільярдаў, піша Forbes.
Фота: Вольга Шукайла, TUT.BY
Банк дрэнных актываў, таксама вядомы як «Траст», падлічыў даўгі Міхаіла Гуцэрыева перад банкамі. Гуцэрыеў і яго сям'я вінны банкам прыкладна $15 мільярдаў, расказала Forbes крыніца, блізкая да «ФК Адкрыццё», і пацвердзіла крыніца, блізкая да «Траста».
Суразмоўца, блізкі да «Сбербанка России», кажа, што Гуцэрыеў не раскрывае даўгі звязаных з ім і з яго сваякамі кампаній нават найбуйнейшым крэдыторам.
Разлікі «Траста» супадаюць з той інфармацыяй, што ёсць у публічным полі.
