Інфармацыя пра гэта ёсць у маніторынгу кампаніі «Праваабаронцы за свабодныя выбары « за 7—12 кастрычніка.
Паводле яго, пасля завяршэння вылучэння кандыдатаў у дэпутаты адбыліся пасяджэнні акруговых выбарчых камісій, на якіх разглядаліся пытанні арганізацыі працы камісій па праверцы подпісаў выбаршчыкаў, пададзеных вылучэнцамі для рэгістрацыі кандыдатамі ў дэпутаты. «У большасці выпадкаў назіральнікам было адмоўлена ў назіранні за працэдурай праверкі сапраўднасці подпісаў выбаршчыкаў у падпісных лістах», — адзначаюць праваабаронцы.
Таксама актывісты адзначаюць, што нягледзячы на агульную большую колькасць вылучаных кандыдатаў (паводле дадзеных ЦВК, у сёлетняй выбарчай кампаніі вылучаны 703 прэтэндэнты на дэпутацкі мандат), апазіцыйных прадстаўнікоў стала колькасна менш.
Праваабаронцы звяртаюць увагу і на прынятую ЦВК Пастанову № 63, што вызначае пералік дакументаў, па якіх выдаецца бюлетэнь для галасавання. Пастанова пашырае кола асобаў, якія могуць атрымаць бюлетэнь не па пашпарце, за кошт работнікаў дзяржаўных арганізацый.
