Тры замежныя журналісты загінулі ў выніку налёту турэцкіх самалётаў на калону машын блізу сірыйскага горада Рас-эль-Айн. Пра гэта ў нядзелю паведамляюць інфармагенцтвы са спасылкай на курдскія крыніцы.
Раней паведамлялася, што ў выніку атакі ВПС Турцыі на калону загінула больш за 11 цывільных і некалькі дзясяткаў былі параненыя.
Сярод пасажыраў аднаго з абстраляных аўтобусаў было некалькі ангельскіх і французскіх карэспандэнтаў, а таксама рэпарцёры мясцовых сродкаў масавай інфармацыі. Яны накіроўваліся ў зону баявых сутыкненняў паміж курдскімі ваенізаванымі атрадамі і турэцкімі сіламі на паўночным усходзе Сірыі.
0
0
0
0
0
0
