Наступныя 10 гадоў ён правядзе ў калоніі агульнага рэжыму. Такі вырак абвесціў суд, паведамляе Радыё Свабода.

Андрэй Букраба сказаў, што ня ведае, ці будзе абскарджваць прысуд. Бацька і сябры Букрабы ад каментароў адмовіліся.

Аварыя здарылася 7 ліпеня. Уседарожнік «Мэрсэдэс», якім кіраваў нецвярозы 31-гадовы мясцовы жыхар, зляцеў з дарогі на закругленні і ўпаў у канал. У машыне было 10 чалавек. Загінулі пяцёра, у тым ліку трое дзяцей.

Паводле следчых, у момант аварыі хуткасць аўтамабіля складала 90 км/г. У крыві кіроўцы быў выяўлены алкаголь — 1,59 праміле. Ён цалкам прызнаў сваю віну.

«Яшчэ раз прашу, прабачце: я нікога не хацеў забіваць», — сказаў у апошнім слове Андрэй Букраба.

«Двое хлопцаў селі ў багажнік — і мы паехалі». Ацалелы ў страшнай аварыі пад Белаазерскам распавёў падрабязнасці

Хочаш падзяліцца важнай інфармацыяй ананімна і канфідэнцыйна?