14.10.2019 / 22:28

Тысячы людзей святкавалі Дзень абаронцы Украіны на Майдане 2

Шэраг палітычных сілаў, у прыватнасці экс-байцы «Азова», партыі «Свабода», «Еўрапейская салідарнасць», а таксама ветэраны расійска-ўкраінскай вайны ў Дзень абаронцы Украіны выйшлі на марш пад назвай «Не капітуляцыі» ў Кіеве. У акцыі ўзялі ўдзел больш за 12 тысяч чалавек.

Арганізатары акцыі выступаюць супраць Мінскіх пагадненняў, падпісаных у 2015—2016 гадах, якія прадугледжваюць урэгуляванне канфлікту шляхам увядзення асаблівага статусу для Данбаса.

Сярод патрабаванняў удзельнікі маршу называлі забараніць:

 — адвод украінскіх войскаў ад лініі размежавання,

 — увядзенне асаблівага статусу для «ДНР» і «ЛНР»,

 — амністыю баевікам т.зв. «ДНР/ЛНР»,

 — стварэнне «народнай міліцыі» т.зв. «ДНР/ЛНР»,

 — выбары на акупаваных тэрыторыях без атрымання кантролю над мяжой.

Пасля завяршэння веча на Майдане ўдзельнікі высунуліся да рэзідэнцыі прэзідэнта.

У ходзе веча са сцэны выступалі ветэраны і грамадскія дзеячы. Акрамя патрыятычных лозунгаў, удзельнікі выкрыквалі: «Зяленскі — прэч», «Богдана ў адстаўку», «Перамога» і шэраг іншых.

NN.by

0
Niemand / Адказаць
15.10.2019 / 00:06
Прыгожа! Героям слава! П.С. 12 тысяч? Ну-ну... :)
1
КРЕМЕНЬ / Адказаць
15.10.2019 / 07:36
А что такой скромный репортаж? Про смерть кей-поп-зорки Соли с группы f(х) и то поболей написали.
Каб пакінуць каментар, калі ласка, актывуйце JavaScript у наладах свайго браўзеру