15.10.2019 / 18:42

У Францыі асудзілі ісламістак, якія спрабавалі падарваць Нотр-Дам 2

У Францыі пяць жанчын прысудзілі да турэмных тэрмінаў ад 5 да 30 гадоў за спробу падарваць аўтамабільную бомбу ля сабора Нотр-Дам у 2016 годзе, піша Euronews.

У ноч на 3 верасня 2016 года Інэс Мадані і Арнэла Гілігман прыпаркавалі шэры Peugeot 607 без нумарнога знака на вуліцы перад рэстаранамі каля Нотр-Дам.

Аўтамабіль быў загружаны шасцю газавымі балончыкамі. Зламысніца абліла машыну дызельным палівам і кінула ў яе запаленую цыгарэту, але дызельнае паліва аказалася не такім лёгкаўзгаральным рэчывам.

Мадані арыштавалі праз некалькі дзён у кватэры ў прыгарадзе Парыжа разам з двума іншымі абвінавачанымі — Сарай Эрве і Амель Сакаў. Падчас затрымання яны паранілі нажом паліцэйскага, Мадані атрымала агнястрэльнае раненне. Гілігман арыштавалі 6 верасня.

Усім жанчынам былі выстаўлены абвінавачванні ў тэрарызме, пракуроры патрабавалі пажыццёвага зняволення для чатырох з іх.

Мадані, якая займалася вярбоўкай жанчын для Ісламскай дзяржавы, далі 30 гадоў, а Гілігман прысудзілі да 25 гадоў турмы.

Эрве і Сакаў далі па 20 гадоў, а Саміі Шалель — пяць гадоў за дапамогу Мадані схавацца пасля няўдалай атакі.

NN.by

1
american / Адказаць
16.10.2019 / 00:00
Приговор какой ? Три раза отчитать Отче наш ?  
1
счётчик Гейгера / Адказаць
16.10.2019 / 00:28
Кого приютили у себя леваки ? Кормят, поют, одевают, обувают, квартиры комунальные дают + социал минимум на 10 лет.... И вот результат...
Мир афро-азия-арабский другой совсем, да и религия не на последнем месте... А леваки за взятки от шейхов "думают" что они мирные....
Каб пакінуць каментар, калі ласка, актывуйце JavaScript у наладах свайго браўзеру