15.10.2019 / 20:47

У Нідэрландах сям'я дзевяць гадоў чакала канца свету ў падвале 3

У Нідэрландах паліцыя выявіла сям'ю, якая на працягу дзевяці гадоў жыла ў падвале, чакаючы канца свету, піша BBC.

58-гадовы мужчына і шасцёра яго дарослых дзяцей, якім ад 16 да 25 гадоў, жылі на ферме.

Іх знайшлі пасля таго, як сын замовіў піва ў бары ў суседнім сяле, а потым паведаміў работнікам, што яму патрэбна дапамога. Ён выглядаў разгубленым.

Па словах уладальніка бара Крыса Вестэрбека, ён замовіў пяць порцый піва і выпіў іх.

«Тады я пагутарыў з ім, і ён расказаў, што ўцёк і просіць дапамогі… тады мы выклікалі паліцыю», — сказаў ён.

Вестэрбек дадаў, што ў яго былі доўгія валасы, брудная барада, старая вопратка.

«Ён сказаў, што ніколі не хадзіў у школу і не быў у цырульніка дзевяць гадоў», — сказаў уладальнік бара.

Па словах Вестэрбека, мужчына расказаў, што жыў з малодшымі братамі і сёстрамі ў ізаляцыі на ферме і ўсвядоміў, што яны павінны выбрацца адтуль.

Па наводцы маладога чалавека, паліцэйскія зайшлі ў дом і за шафай у гасцінай выявілі лесвіцу, якая вяла ўніз, у склеп, дзе жыла сям'я.

58-гадовы гаспадар сямейства адмовіўся супрацоўнічаць са следчымі. Яго арыштавалі, і цяпер праводзіцца расследаванне.

Невядома, як доўга сям'я пражыла ў склепе і што адбылося з маці дзяцей. Аднак, па словах мэра мястэчка, жанчына памерла.

NN.by

6
666 / Адказаць
15.10.2019 / 21:34
Все эти религиозные люди - недалекие как минимум
1
Цетка Алена / Адказаць
15.10.2019 / 21:38
Якiя трэба мець рэлiгiйныя перакананнi , каб думаць , што ад канца свету можна схавацца у склепе ? Сумная гiсторыя.
1
Терра Нова / Адказаць
16.10.2019 / 00:02
Фильмов насмотрелись...
Каб пакінуць каментар, калі ласка, актывуйце JavaScript у наладах свайго браўзеру