Італьянскія дактары першымі ў свеце здзейснілі паспяховую перасадку фрагмента хрыбетніка, заявілі прадстаўнікі Балонскага Інстытута артапедыі Рыцолі, паведамляюць інфармагенцтвы.

Група спецыялістаў у пачатку верасня замяніла чатыры пазванкі 77-гадоваму пацыенту з хардомай. Пацыент ужо аднавіўся і выпісаны. У шпіталі ён правёў каля месяца.

Медыкі сцвярджаюць, што аптымальным рашэннем для замены чалавечых органаў і тканак з'яўляюцца аналагічныя органы і тканкі, а таксама косткі. Пры адсутнасці костак лекарам трэба звяртацца да штучных матэрыялаў - для замены пазванкоў да гэтага ўжываліся ўчасткі вялікай галёначнай косткі.

Хочаш падзяліцца важнай інфармацыяй ананімна і канфідэнцыйна?