Дарадцы Кім Чэн Ына перакананыя, што лідар Паўночнай Карэі плануе «вялікую аперацыю», — паведамляюць паўночнакарэйскія СМІ ў артыкулах са здымкам Кіма на кані, піша Радыё Свабода са спасылкай Reuters.
На фота, апублікаваных паўночнакарэйскім агенцтвам KCNA, Кім на белым кані ўяжджае на гару Пэксту-сан, найвышэйшую кропку Паўночнай Карэі, якую жыхары краіны лічаць святой гарой.
«Яго ўезд на кані на Пэкту-сан — гэта падзея, якая мае вялікую вагу ў гісторыі карэйскай рэвалюцыі», — паведамляе KCNA.
«Перажыўшы цудоўныя імгненні падчас развагаў (Кіма) на Пэкту-сан, усе чыноўнікі, якія яго суправаджаюць, перакананыя (…), што будзе вялікая аперацыя, якая здзівіць і ўзрадуе свет і зробіць крок наперад на шляху карэйскай рэвалюцыі», — піша агенцтва.
Не зразумела, пра якую аперацыю ідзе гаворка, зазначае Reuters. Кім Чэн Ын у мінулым часта ўязджаў на святую гару падчас рэалізацыі вялікіх палітычных ініцыятыў.
