17.10.2019 / 14:57

За суткі распродажу «Белавія» выкупілі больш як 60 тысяч месцаў

Авіякампанія «Белавія» з 16 па 17 кастрычніка праводзіла распродаж. Упершыню ў акцыю ўключылі ўсе рэгулярныя кірункі. Кошт квіткоў на ўсе рэгулярныя рэйсы склала 20 еўра + таксы і зборы за палёт туды-назад і 15 еўра + таксы і зборы - у адзін бок, піша Tut.by

За суткі прадалі больш за 60 тысяч месцаў, а самымі папулярнымі напрамкамі сталі Масква, Тбілісі і Калінінград.

У Маскву было набыта 4650 месцаў, Тбілісі - 4294. У топ-3 лідэраў па продажах увайшоў і Калінінград - 3551 месца па цане 34,56 еўра туды-назад. У пяцёрку самых запатрабаваных гарадоў ўвайшлі Санкт-Пецярбург і Нур-Султан.

NN.by

Каб пакінуць каментар, калі ласка, актывуйце JavaScript у наладах свайго браўзеру