17.10.2019 / 22:21

Нованароджаныя дзеці «неграмадзян» Латвіі змогуць атрымаць грамадзянства краіны аўтаматычна

Сейм Латвіі падтрымаў рашэнне аб прадастаўленні грамадзянства па праве нараджэння, паведамляе Delfi.

У нованароджаных дзяцей неграмадзян з 1 студзеня 2020 года будзе права атрымаць грамадзянства Латвіі.

Выключэннем будуць выпадкі, калі бацькі самі вырашаць даць дзіцяці грамадзянства іншай краіны.

Па дзеючых цяпер правілах, дзіця неграмадзян можа стаць грамадзянінам, калі такое пажаданне выкажа хаця б адзін з бацькоў. Зараз жа грамадзянства будзе выдавацца аўтаматычна.

NN.by

Каб пакінуць каментар, калі ласка, актывуйце JavaScript у наладах свайго браўзеру