20.10.2019 / 00:18

«Цудоўны экзэмпляр сучаснага м****цтва!» Продаж аўтэнтычнай вышыванкі, распісанай графіці, выклікаў крытыку 20

Выстава-продаж маладых беларускіх мастакоў «Асенні салон» адкрылася толькі ўчора, 18 кастрычніка, а ўжо выклікала рэзананс. Увагу прыцягнула праца «Спадчына» — аўтэнтычныя даматканыя кашуля і абрус, распісаныя чорнымі графіці.

Фота artcenter.by.

«Які цудоўны экзэмпляр сучаснага м****цтва! — адрэагаваў тэлевядоўца Яўген Барышнікаў. — Той, хто сабе б дазволіў падобнае зрабіць з арыгіналам (!!!) твора якога Шагала ці Суціна, напэўна б, атрымаў заломы рук, штраф, тэрмін ды воўчы білет і прамень нянавісці ад куратараў усіх мастацкіх галерэй і ад куратараў «Асенняга салона з Белгазпрамбанкам» у першую чаргу», — мяркуе ён.

«Каб гэта быў постар ці спецыяльна для гэтага зробленая рэпліка кашулі — я б проста ацаніў мастацую ідэю, сапраўды моцную. Але тут маем цынічна знішчаны культурны артэфакт, няважна з якой мэтай», — дадае ён.

Аўтар графіці — гарадзенская мастачка Дар'я Сямчук (творчы псеўданім Цемра). Яна расказвае, што рэчы сапраўды старыя.

Мастачка Цемра.

«Кашулі 100 гадоў. Я яе купіла, але вельмі нядорага. Людзі прадаюць, бо непатрэбна. Абрус я знайшла на сметніцы.

Шмат пытанняў падштурхнула мяне да стварэння гэтай працы. Я аматар куплі старых рэчаў, паходаў па сметніцах. Я бачу, што выкідаецца, і не разумею, як гэта можна выкінуць. Усё каштоўнае знішчаецца, а ў дом наносіцца аднаразовае, пластмасавае, кітайскае. Замена каштоўнасцяў адбываецца.

Фота artcenter.by.

Для мяне дзіўна, што нехта пакрыўджаны маёй працай. Людзі кожны дзень сваімі дзеяннямі разбураюць нашу спадчыну, культывуюць б'юці-індустрыю. Я гэта ўскрыла, паказала візуальна, матэрыяльнымі рэчамі, каб усе заўважылі, што гэта так і адбываецца.

Я хаджу па ўсіх сметніцах, бо разумею, што там, можа, ляжыць такое… І калі гэта прападзе, я не выратую — усё, канец.

Я хацела паказаць, што ў сённяшняга пакалення зусім іншыя каштоўнасці. Трэба цаніць старое, а гэтага не адбываецца. Праз некаторы час вось гэта чорнае будзе нашай спадчынай».

Псеўданім Цемра мастачка ўзяла, бо часта ў творчасці адлюстроўвае дрэнны бок людзей.

«У мяне ёсць працы, звязаныя з культываваннем брэндаў, тым, што яны замянілі нам усё і сталі галоўнымі. Таксама ёсць працы аб тым, што пластык перамог — людзі не разумеюць, што знішчаюць зямлю, карыстаюцца аднаразовымі зручнасцямі».

У сацсетках такую творчую акцыю ацанілі неадназначна. Многія пісалі, што гэта вандалізм і непавага да артэфактаў. Іншыя ж ацанілі глыбокі пасыл аўтара.

Размаляваныя кашуля і абрус, дарэчы, як і ўсё творы на выставе, прадаюцца. Цана — 14 тысяч рублёў.

Наталля Лубнеўская

31
Элтон Макс / Адказаць
20.10.2019 / 05:37
Спасибо за инфу, теперь я знаю кто портит заборы и пишет всякие гадости на стенах.
10
Inger / Адказаць
20.10.2019 / 05:45
A szto vy choczacie - ÚSIO PRAVIDLOVA! Znajszoú, abas..ú, skamentavaú (navat zhodna z praúdaj) i 14T BYN paklaú u kiszeniu. Heta liahczej czym adukavac', tlumaczyc', zaachvoczvac', vychoúvac' dobry gust i vuczyc' baczyc' pryhaz^os'c'. Dzielia groszaj liahczej dakinuc' jaszcze adzin kamien' na mahilu rodnaj spadczyny. Barysznikaú maje racyju!
I dareczy - nijakoje heta nie grafici, a durnoje smaravannie balonczykam na úzroúni maloha dziciaci, jakoje darvalasia da kaliarovych aloúkaú starszoha brata. Isnaje grafici heta sapraúdy mastactva.
29
Яўген Знарок / Адказаць
20.10.2019 / 06:12
Супер! Рэспект, Цемра!
Паказаць усе каментары/ 20 /
Каб пакінуць каментар, калі ласка, актывуйце JavaScript у наладах свайго браўзеру