20.10.2019 / 10:47

Лукашэнка сказаў, хто для яго галоўны апазіцыянер 18

«Акадэмію кіравання ён пакуль не ўспрымае. Ён у мяне галоўны апазіцыянер ў сям'і», — прыводзіць TUT.BY словы Аляксандр Лукашэнка пра планы на будучыню яго малодшага сына Мікалая.

Аляксандр Лукашэнка з сынамі на Плошчы Перамогі ў Мінску 9 мая 2019 года. Фота Надзеі Бужан.

Запіс выступу падчас наведвання Акадэміі кіравання пры прэзідэнце апублікаваны на YouTube-канале «АТН: навіны Беларусі і свету».

Адна са студэнтак спытала кіраўніка дзяржавы, што ён параіць Мікалаю, калі той спытае, куды яму пайсці вучыцца — можа, у Акадэмію кіравання?

— Акадэмію кіравання ён пакуль не ўспрымае. Ён у мяне галоўны апазіцыянер ў сям'і, — усміхнуўся Лукашэнка. — Але можа і прыйдзе вучыцца [ў Акадэмію кіравання], калі паступіць. Я кажу: цябе ж, можа, не возьмуць нават!

Але, паводле слоў Лукашэнкі, тэму «кім быць і як быць» ў сям'і ўжо, вядома, падымалі.

— Я спрабую растлумачыць, зыходзячы з яго характару… А ў яго характар ​​болей, чым у яго бацькі, лідарскі: калі яму нешта трэба, пакуль ён сам лоб ня разаб'е, будзе ісці да канца, спрачацца… Што ты можаш быць добрым доктарам, настаўнікам, але павінен разумець: працуючы ў калектыве, па меншай меры, на першую пару пад нечым пачаткам табе прыйдзецца камусьці падпарадкоўвацца. Маўчыць. А я яму: а каб падпарадкоўвацца, ты нават прэзідэнту не вельмі…

На гэта, паводле слоў Лукашэнкі, Мікалай яму адказвае, што «ты ж мне не прэзідэнт, а тата».

— Я не навязваю яму нейкую прафесію. Так і са старэйшымі было. Галоўнае, каб яны былі людзьмі. Пра іх можна многае сказаць, не ведаючы. А хто ведае — ніколі не скажа, што яны — дзеці прэзідэнта. Малодшы [Мікалай] таксама: ідзе дзяўчынкам дапамагчы, на сябе нешта нагрузіць і цягне. Гэта галоўнае для дзяцей высокапастаўленых людзей — каб яны людзьмі выраслі.

Мікалаю Лукашэнку 31 жніўня споўнілася 15 гадоў. Ён вучыцца ў 9 класе Астрашыцка-Гарадоцкай сярэдняй школы.

NN.by

25
хамса / Адказаць
20.10.2019 / 10:58
>Мікалаю Лукашэнку 31 жніўня споўнілася 15 гадоў. Ён вучыцца ў 9 класе
ЛУзер) другагоднік?) майму ў ліпені споўнілася 13, і ён вучыцца ў 8-м
0
хамса / Адказаць
20.10.2019 / 11:00
а можа ён пойдзе ў армію? такі варыянт не разглядае? а дарэмна.. акурат, як коля скончыць школу, яму споўніцца 18
2
хамса / Адказаць
20.10.2019 / 11:06
>А я яму: а каб падпарадкоўвацца, ты нават прэзідэнту не вельмі…
што!? а хто ты такі, каб табе падпарадкоўвацца? чыноўнік.. на службе ў народа.. в ы к а н а ў ч а я  ўлада.. зусім забыўся і зарваўся за столькі год.. гэта ТЫ мусіш падпарадкоўвацца іншым.. найперш - народу
Паказаць усе каментары/ 18 /
Каб пакінуць каментар, калі ласка, актывуйце JavaScript у наладах свайго браўзеру