Аляксей Раманаў з 18 кастрычніка прызначаны начальнікам Галоўнага ўпраўлення спажывецкага рынку Мінгарвыканкама, паведамляюць «Мінск-Навіны».
Аляксей Раманаў курыруе пытанні гандлю харчовымі і нехарчовымі таварамі, плодаагародніннай прадукцыяй, арганізацыі працы пунктаў грамадскага харчавання, сельскай гаспадаркі, а таксама вывучэння попыту і кан'юнктуры спажывецкага рынку тавараў. Акрамя таго, яму непасрэдна падпарадкоўваюцца Тэхналагічная харчовая выпрабавальная лабараторыя, упраўленне арэнды, будаўніцтва і эксплуатацыі будынкаў, упраўленне па эксплуатацыі гандлёвага цэнтра «Сталіца» і гандлёвы цэнтр «Партызанскі».
Аляксей Раманаў ў 1998 годзе скончыў Беларускі дзяржаўны эканамічны універсітэт, а ў 2012 годзе — Акадэмію кіравання пры прэзідэнце Беларусі па спецыяльнасці «дзяржаўнае і мясцовае кіраванне».
З 2009 па 2016 год Раманаў працаваў у ГУПР Мінгарвыканкама на пасадзе спачатку намесніка, а затым першага намесніка начальніка ўпраўлення, а з 2016 года знаходзіўся на кіруючых пасадах прадпрыемстваў камунальнай формы ўласнасці Мінска.
Раней ГУПР Мінгарвыканкама ўзначальваў Андрэй Улезла, які пазней перайшоў на пасаду гендырэктара КУП «Мінскхлебпрам».
