bangkokpost.com
Кароль Тайланда Маха Вачыралангкорн, які толькі нядаўна прадаставіў сваёй спадарожніцы афіцыйны статус каралеўскага кансорта, пазбавіў яе ўсіх тытулаў і званняў за вераломства, піша Бі-бі-сі.
У афіцыйнай заяве каралеўскага двара гаворыцца, што генерал-маёр Сінінат Вонгваджырапакдзі «была занадта амбіцыйная і спрабавала ўзвысіцца да становішча каралевы» і «такія паводзіны каралеўскага кансорта былі расцэнены як знак непавагі».
Сінінат стала першай з 1921 года жанчынай, якая атрымала званне каралеўскага кансорта (жонкі караля без тытула каралевы).
Гэты статус ёй прысвоілі ў ліпені, усяго праз два месяцы пасля таго, як кароль ажаніўся чацвёрты раз, зрабіўшы каралевай Сутхіду Тыджай.
Сінінат — прафесійная вайсковая лётчыца, медсястра і целаахоўніца, да сённяшняга дня яна мела званне генерал-маёра.
У жніўні былі апублікаваныя яе афіцыйныя фота ў ваеннай форме і за штурвалам баявога самалёта, тады ж было абвешчана, што кароль «распарадзіўся аб стварэнні для яе каралеўскай біяграфіі».
Між тым каралева Сутхіда, былая сцюардэса і намесніца начальніка каралеўскай аховы, застаецца нязменным партнёрам манарха, і многія гады з'яўляецца разам з ім на публіцы.