21.10.2019 / 21:17

З'явіўся расклад цырымоній у гонар перапахавання Каліноўскага 8

Падрыхтоўка да перапахаваньня Кастуся Каліноўскага ў Вільні, кастрычнік 2019.

Беларускі грамадзкі камітэт ушанаваньня памяці паўстанцаў апублікаваў папярэдні плян мерапрыемстваў на 22—24 лістапада з нагоды перапахаваньня паўстанцаў 1863—1864 гадоў у Вільні, піша Радыё Свабода.

Што за камітэт?

У камітэт уваходзяць грамадзкія дзеячы Беларусі, прадстаўнікі беларускай дыяспары за мяжой, у тым ліку зь Вільні. Узначальвае камітэт доктар гістарычных навук Алесь Смалянчук.

Што ў раскладзе?

22 лістапада, пятніца

11.00—11.45 — Разьвітаньне грамадзкасьці з паўстанцамі ў Катэдральным касьцёле Вільні (уваход свабодны).

12.00 — Пачатак урачыстай імшы ў Катэдральным касьцёле Вільні (уваход абмежаваны, але на Катэдральнай плошчы будуць усталяваныя адмысловыя вялікія экраны).

13.20 — Пачатак пешай разьвітальнай працэсіі ад Катэдральнага касьцёла да могілак Росы.

14.00 — Цырымонія пахаваньня парэшткаў у калюмбарыі капліцы на могілках Росы.

Вечар — Канцэрт гурта «Dzieciuki» (дакладны час і месца агучаць пазьней).

23 лістапада, субота

11:00 — Грэка-каталіцкае богаслужэньне за супакой паўстанцаў 1863-1864 гадоў у Базыльянскіх мурах (Святатроіцкая грэка-каталіцкая царква, адрас: Aušros Vartų g. 7B).

13:00 — Сустрэча грамадзкасьці з Радай Беларускай Народнай Рэспублікі (дакладныя час і месца назавуць пазьней).

16:00 — Містэрыя: гісторыка-тэатральна-паэтычны Рэквіем прысьвечаны паўстаньню 1863-1864 гадоў (дакладны час і месца назавуць пазьней).

18:00 — Паўстанцкі ланцуг: жалобнае грамадзкае шэсьце са зьнічамі ад Вострай брамы да могілак Росы.

24 лістапада, нядзеля

12:00 — Беларускае рымска-каталіцкае набажэнства за спакой паўстанцаў у касьцёле Сьв. Варфаламея на Зарэччы (адрас: Užupio g., 17).

14:00 — 16:00 — Бясплатныя пазнавальныя вандроўкі па беларускіх мясьцінах Вільні. Сустрэча каля касьцёла Сьв. Варфаламея на Зарэччы (Užupio g., 17).

15
Генэрал Голад / Ответить
21.10.2019 / 22:08
Вечар — Канцэрт гурта «Dzieciuki» (дакладны час і месца агучаць пазьней).  
Канцэрт у дзень пахаваньня? Яны там зусім розум страцілі?
https://nn.by/?c=ar&i=239675
6
Юрий / Ответить
21.10.2019 / 22:21
Напішыце, калі ласка, што чуваць з бясплатнымі аднаразовымі візамі. Каля двух тыдняў таму на некаторых інфармацыйных рэсурсах былі звесткі аб намерах літоўскага ўраду арганізаваць візы. Што чуваць на сённяшні дзень, а калі гэта ўжо працуе, то як падаваць дакументы?
16
Devil / Ответить
21.10.2019 / 23:04
Юрий, а якая праблема звярнуцца ў візавы цэнтр і аформіць візу. Чаму Вам нехта нешта павінен безкаштоўна даваць... 
Показать все комментарии/ 8 /
Чтобы оставить комментарий, пожалуйста, активируйте JavaScript в настройках своего браузера