22.10.2019 / 17:39

КДБ раскрыў карупцыйную схему ў алкагольнай галіне 9

КДБ раскрыў карупцыйную схему ў алкагольнай галіне, а ў прэс-службе ўрада паведамілі аб вызваленні ад займаных пасадаў старшыні канцэрна «Белдзяржхарчпрам» Аляксандра Забелы і гендырэктара «Мінск Крышталь Груп» Станіслава Ёдзіса. Раней аб адстаўцы Забелы паведамлялі крыніцы, хоць летам яму прадказвалі пасаду амбасадара Беларусі ў Казахстане, піша TUT.BY.

Ва ўрадзе TUT.BY распавялі і пра іншыя звальненні на прадпрыемствах канцэрнаў «Белдзяржхарчпрам» і «Белнафтахім». З-за выяўленых фактаў карупцыйнай дзейнасці ў ААТ «Мінск Крышталь», ААТ «Віцебскі лікёра-гарэлачны завод «Прыдзвінне», ААТ «Пінскі вінаробны завод»і ААТ «Хімрамонт» па розных падставах звольненыя сем кіраўнікоў розных узроўняў.

Падрабязнасці справы паведамілі на тэлеканале «Беларусь-1». Сем крымінальных спраў распачата за атрыманне хабару і адна — за дачу хабару. Чатыры фігуранты знаходзяцца пад вартай.

«У поле зроку аператыўнікаў патрапілі два бізнэсмены, якія лабіравалі за хабар інтарэсы сваіх камерцыйных кампаній. За грашовае ўзнагароджанне вырашалі задачы паставак прэпаратаў, інгрэдыентаў і абслугоўвання абсталявання. Службовыя асобы прадпрыемстваў алкагольнай прамысловасці ў Мінскай і Віцебскай абласцях атрымлівалі за садзейнічанне ад 500 да 15 тысяч даляраў у залежнасці ад сумы кантракту», — распавялі ў сюжэце.

Адзначаецца, што фігуранты прызналіся ў здзейсненых злачынствах і супрацоўнічаюць са следствам.

Нагадаем, у верасні праваахоўныя органы зацікавіліся топ-менеджарамі алкагольных заводаў. У прыватнасці, гаворка ішла аб галоўным інжынеру кіруючай кампаніі «Мінск Крышталь Груп» Аляксандру Жарыне, кіраўніку «Віцебскага лікёра-гарэлачнага завода «Прыдзвінне» Міхасю Васілеўскім і дырэктару Чашніцкага спіртзавода «Чысты выток 1872» Дзмітрыю Нясмірным. Інфармацыі аб двух першых ужо няма на сайтах прадпрыемстваў. Цікава, што Жарын уваходзіў у камісію «Мінск Крышталь Груп» па супрацьдзеянні карупцыі і ўзначальваў конкурсную камісію па правядзенні закупак абсталявання, сведчыць справаздачнасць кампаніі.

2
Грязный Гарри / Адказаць
22.10.2019 / 18:30
Да вы что? Разве КГБ не знает,кому принадлежит вся алкогольная отрасль в стране?Даже не смешно...А не захочет ли карманно-семейный КГБ коррупцию в контрабандной торговле сигаретами "раскрыть"?)))
0
Алексa / Адказаць
22.10.2019 / 18:40
На Кристалле если в низ по лесенке капануть,ой ещё сколько интересного накопается, да там и копать не надо достаточно сленга ворухнуть!И не только в коррупции.Только дальше никто ничего делать не будет-нельзя!Кто-то же придёт не с нуля же начинать!Специалистов там вообще не осталось,так назначены да нужные люди!
1
HENRIK KWINTA / Адказаць
22.10.2019 / 20:45
Спирт разбауляли вадой?
Паказаць усе каментары/ 9 /
Каб пакінуць каментар, калі ласка, актывуйце JavaScript у наладах свайго браўзеру