30.10.2019 / 17:02

Крыніца: Перавод гімназіі Дзяржынска на рускую мову — ініцыятыва дырэктаркі 17

У рэдакцыю «Нашай Нівы» звярнуўся чалавек, абазнаны ў працэсах, што адбываюцца ў сістэме адукацыі Дзяржынскага раёна. На ўмовах ананімнасці ён пагадзіўся расказаць, што стаіць за паступовым пераводам гімназіі горада Дзяржынска на рускую мову.

Чытайце. Русіфікацыя: у беларускамоўнай гімназіі Дзяржынска з’явіліся рускамоўныя першыя класы

«Гэта жаданне выключна дырэктаркі — Людмілы Паўхлеб. Ніякіх заяваў ад бацькоў саміх па сабе не было. Яна хацела нават сёлета зрабіць навучанне цалкам на рускай мове. Але ва ўпраўленні адукацыі райвыканкама ёй зрабіць гэтага не далі. І якраз Паўхлеб дала загад на перавод дакументацыі на рускую мову», — паведаміла крыніца.

«НН» расказалі, што ў Дзяржынску існавала правіла: для настаўнікаў, якія выкладаюць свае прадметы на беларускай мове, выплачваўся дадатак да заробку ў памеры 30%. Гэта доўгі час і матывавала настаўнікаў выкладаць па-беларуску. Такая ініцыятыва знайшла водгук у старшыні райвыканкама Мікалая Арцюшкевіча. Нібыта і цяпер Арцюшкевіч не ў захапленні ад такой ідэі дырэктаркі Паўхлеб.

«Яшчэ хацеў бы адказаць на словы начальніцы ўпраўлення райвыканкама Гапаньковай, што ў выпускнікоў гімназіі ўзнікаюць праблемы пры паступленні ў тэхнічныя ВНУ праз тэрміналогію. Гэта не так, бо матэматыка, фізіка і хімія выкладаліся заўсёды на рускай мове», — расказалі «НН».

Ад 1 верасня ў беларускамоўную гімназію горада Дзяржынска сталі набіраць рускамоўныя класы. Цяпер ва ўстанове чатыры рускамоўныя першыя класы пры адным беларускамоўным. Школьная адміністрацыя спасылаецца на жаданне бацькоў.

Цяпер у інтэрнэце пачаўся збор подпісаў супраць русіфікацыі гімназіі.

ЗП

2
litwin / Адказаць
30.10.2019 / 17:38
за хабар з "русскаго дома" ( амбасады масковіі )
3
litwin / Адказаць
30.10.2019 / 17:39
edition:  расейскую
3
Андрюха Горец (Беларусь Витебск ) / Адказаць
30.10.2019 / 18:03
Какая Пошлая . Позорная . Гадкая и Антибеларусская - эта инициатива !!!  Думаю что  и название самого города - так же произошло от таких же *Инициативных * Человекообразных ...
Паказаць усе каментары/ 17 /
Каб пакінуць каментар, калі ласка, актывуйце JavaScript у наладах свайго браўзеру