22.10.2019 / 22:23

Супрацоўнікаў Акадэміі навук папрасілі прадставіць распрацоўкі, за якія можна атрымаць Нобелеўскую прэмію 8

У сеціва трапіў цікавы дакумент Нацыянальнай акадэміі навук. Згодна з ім, акадэмікі-сакратары да 25 кастрычніка павінны падаць распрацоўкі сусветнага значэння, якія могуць быць прапанаваны на прысуджэнне Нобелеўскай прэміі.

Папера складзена за подпісам Андрэя Іванца, старшыні Савета маладых навукоўцаў, намесніка дырэктара па навуковай працы Інстытута агульнай і неарганічнай хіміі НАН Беларусі.

Фота тэлеграм-канала «Беларусь галаўнога мозгу».

Як ён патлумачыў «Нашай Ніве», гэта ўнутраны дакумент і нічога надзвычайнага ў ім няма — такая практыка даўно існуе.

«Акадэмія навук штогод вылучае топ-10, топ-100 распрацовак, якія публікуюцца. Ніякіх сакрэтаў. Цяпер мы фарміруем праектнае заданне на наступную пяцігодку. Таму падводзім вынікі і глядзім праз прызму таго, што было зроблена. Калі будуць годныя сур’ёзныя распрацоўкі, безумоўна, будзем іх у далейшым адпаведным чынам пазіцыянаваць і прасоўваць», — адказаў Андрэй Іванец.

Ён дадаў, што топ распрацовак складаецца па ўсіх кірунках дзейнасці Акадэміі. Галін, што лідзіруюць, у ім няма.

Летась у дзясятку трапілі такія дасягненні, як нанакаталізатары новага пакалення, тэхналогія нівіліравання пераходу радыёактыўнага цэзію ў сельскагаспадарчыя расліны, арыгінальны гібрыдны фонд яблыні (з павышанай ураджайнасцю, высокай зімастойкасцю і ўстойлівасцю да хвароб).

Што з распрацовак прапаноўвалі высунуць на Нобелеўскую прэмію ў мінулых гадах, Андрэй Іванец не адказаў.

NN.by

1
гыгыгы / Адказаць
22.10.2019 / 22:36
Заключэнне па дэкрэтах аб асваенни забруджанных радыянуклидами зямель у студыю! Кали вы там насамрэч знайшли спосаб у 1000 разоу скарациць пярыяды паураспаду цэзия и стронцыя шляхам друкавання литар на паперы нобель вам гарантаваны!!!! Не трэба быць такими сциплыми, спадарства! Беларуская фундаментальная ядзерная физика мусиць заявиць аб сябе усяму свету у поуны голас!!!!
0
Ужик / Адказаць
22.10.2019 / 23:00
Черт! Я знаю, что надо - диссер Дука вместе с идолом. Диссер - по литературе, а идола - за содействие установлению мира
7
Матёрый / Адказаць
22.10.2019 / 23:43
Чем занимаетсч Академия наук?! На её содержание тратится не маленькие деньги налогоплательщиков!!! Что они разработали?!
Паказаць усе каментары/ 8 /
Каб пакінуць каментар, калі ласка, актывуйце JavaScript у наладах свайго браўзеру