daily mail
У англійскім графстве Эсэкс выяўлены грузавік з 39 целамі ўнутры. Машына была прыпаркаваная ў прамысловай зоне гарадка Грэйс, піша Бі-бі-сі.
Паліцыя прыбыла на месца каля паловы другой ночы. Паведамляецца, што кіроўца грузавіка — 25-гадовы ірландзец — арыштаваны па падазрэнні ў забойстве.
Аб загінуўшых пакуль вядома толькі тое, што гэта 38 дарослых і адзін падлетак. Афіцэр мясцовага дэпартамента паліцыі Эндру Марынэр папярэдзіў, што ўстанаўленне асоб ахвяр можа заняць шмат часу.
Устаноўлена, што грузавік прыбыў з Балгарыі і заехаў на тэрыторыю Вялікабрытаніі ў нядзелю.
«Мы арыштавалі кіроўцу грузавіка па падазрэнні ў дачыненні да здарэння, ідзе расследаванне», — сказаў Марынер.
Вакол зоны выяўлення грузавіка ўсталяваны паліцэйскі кардон.