Фота Сяргея Зініна
Сярэдзіна восені ў Беларусі выдалася самай цёплай за апошнія 75 гадоў, паведамілі БЕЛТА ў Гідрамеце.
Сярэдняя ў другой дэкадзе тэмпература склала +12,9, што на 6 градусаў вышэй за кліматычную норму. Такі тэмпературны рэжым характэрны для першай паловы верасня.
Да канца тыдня яшчэ захаваецца цёплае надвор'е, але ўжо ў пачатку наступнага істотна пахаладае, месцамі пройдуць дажджы і мокры снег.
У нядзелю месцамі дажджы. Днём ад +8, па поўдні — да +19.
У панядзелак, 28 кастрычніка, за атмасферным фронтам на тэрыторыю Беларусі пачне паступаць халоднае паветра са Скандынавіі. Днём - +5—12.
У аўторак пахаладанне ўзмоцніцца. Месцамі па краіне кароткачасовыя дажджы і мокры снег. Уначы будзе ад мінус 2 да плюс 5, удзень — ад нуля да +7.