25.10.2019 / 11:35

Ермаловіч: Мінск не вядзе перамоваў з Масквой па крэдыце $600 мільёнаў

Пра гэта сёння журналістам паведаміў міністр фінансаў Беларусі Максім Ермаловіч, перадае БелТА.

«Мы не разглядаем у якасці крыніцы фінансавання крэдыт урада Расійскай Федэрацыі і, уласна, не вядзем перамовы з нагоды гэтага крэдыту», — сказаў Максім Ермаловіч.

«Запытаў мы расійскаму боку не прадастаўлялі. На атрыманне расійскага крэдыту не разлічваем», — дадаў ён.

Закранаючы крыніцы фінансавання, Максім Ермаловіч падкрэсліў, што Беларусь імі забяспечана ў гэтым годзе, ёсць дакладнае разуменне па гэтых крыніцах на 2020 год. «Неабходнасці ў нейкіх палітычных крэдытах абсалютна няма», - заявіў міністр.

Як заявіў 19 кастрычніка першы віцэ-прэм'ер, міністр фінансаў РФ Антон Сілуанаў, рашэнне аб прадастаўленні Беларусі крэдыту на $ 600 млн пакуль не прынята і залежыць ад прасоўвання Масквы і Мінска ў пытанні далейшай інтэграцыі. 

NN.by

Каб пакінуць каментар, калі ласка, актывуйце JavaScript у наладах свайго браўзеру