ESET выявіла ў краме Google Play шкоднасную кібератаку, «ахвярамі якой сталі мільёны карыстальнікаў Android». Пра гэта паведамляе tut.by са спасылкай на афіцыйны блог кампаніі.
Спецыялісты выявілі 42 дадаткі ў краме Google Play, якія «адносяцца да кампаній па распаўсюдзе рэкламнага ПЗ». Палова з іх усё яшчэ была даступная на момант выяўлення. Сумарна гэтыя шкоднасныя праграмы загрузілі восем мільёнаў разоў за апошні год.
Дадаткі выкарыстоўваюць розныя хітрыкі, каб трапіць на прылады ахвяр і застацца незаўважанымі. Напрыклад, не паказваюць рэкламу, пакуль дэвайс не будзе адчынены. Калі карыстальнік паспрабуе высветліць, які дадатак запускае паказ рэкламы, праграма будзе выдаваць сябе за Facebook або Google.
У ESET яшчэ раз нагадалі: на платформе Android варта больш уважліва ставіцца да загрузкі прыкладанняў (асабліва з неправераных крыніц), а таксама выкарыстоўваць спецыялізаваныя антывірусы.
