25.10.2019 / 18:51

Расія: Хочаце кампенсацыю за нафтавы манеўр? Прымайце расійскі Падатковы кодэкс 40

Прэтэнзіі Беларусі на кампенсацыю страт ад «падатковага манеўру» ў расійскім нафтавым сектары абмяжоўваюць суверэннае права Расіі на правядзенне ўнутранай палітыкі, лічыць Мінфін Расіі. Расійскае міністэрства прапанавала Беларусі прыняць расійскі падатковы кодэкс, піша Interfax.by.

Такое меркаванне Мінфін Расіі выказаў у сваім лісце па выніках разгляду прапановы МЗС Беларусі аб уключэнні ў парадак дня чарговага пасяджэння Рады міністраў Саюзнай дзяржавы пытання аб кампенсацыі страт ад падатковага манеўру. Расійскае міністэрства лічыць немэтазгодным уключаць такое пытанне ў парадак дня пасяджэння групы.

Як адзначаецца ў лісце за подпісам намесніка міністра фінансаў Расіі Сяргея Старчака, змяненне падатковага рэжыму ўнутры краіны з'яўляецца суверэнным правам Расіі.

Прапановы Беларусі аб кампенсацыі ёй страт у сувязі са зменамі расійскага заканадаўства абмяжоўваюць суверэннае права Расіі на правядзенне незалежнай і самастойнай унутранай палітыкі, лічаць у расійскім Мінфіне.

Расійскае міністэрства прапануе вырашаць гэтае пытанне ў рамках рэалізацыі «дарожнай карты» па ўніфікацыі, гарманізацыі і збліжэнні падатковага заканадаўства дзвюх краін.

Праектам прадугледжаны мерапрыемствы, вынікам якіх, на думку расійскага боку, павінна стаць падпісанне шэрага міжурадавых пагадненняў аб прымяненні на тэрыторыі Беларусі норм Падатковага кодэкса Расіі ў дачыненні да ўсіх падаткаў і збораў, а таксама падатковага адміністравання.

7
Антось / Адказаць
25.10.2019 / 19:05
там можа які падатак трэба ўвесці на транспарціроўку газа ці нафты? падатковы кодэкс можам жа суверэнна памяняць..
4
вусцішны троль / Адказаць
25.10.2019 / 19:07
«... прымяненне на тэрыторыі Беларусі норм Падатковага кодэкса Расіі ў дачыненні да ўсіх падаткаў і збораў, а таксама падатковага адміністравання». - 1) ці бачылі вы калі-небудзь такое, каб на тэрыторыі суверэннай краіны працавалі законы і кодэксы іншай дзяржавы?! 2) Пасля анэксіі чакайце новых падаткаў, а таксама іх рост, напрыклад ПДВ, + рост коштаў, тарыфаў (у крыме за 2 гады кошты выраслі на 70-100%).
128
Алексей минский / Адказаць
25.10.2019 / 19:08
Так i трэба!
Паказаць усе каментары/ 40 /
Каб пакінуць каментар, калі ласка, актывуйце JavaScript у наладах свайго браўзеру