25.10.2019 / 19:08

Кіраўнік КДК Анфімаў: У добрушскі завод ужо ўкладзена $265 мільёнаў, таму ён павінен запрацаваць 13

Запуск кардоннага завода ў Добрушы плануюць на 2020 год. Пра гэта паведаміў сёння журналістам пры наведванні аб'екта старшыня Камітэта дзяржаўнага кантролю Леанід Анфімаў, перадае БелТА.

Фота: БелТА.

Па словах старшыні камітэта, зараз на разгляд кіраўніка дзяржавы ўносіцца праект указа, у адпаведнасці з якім будуць вызначаны крыніцы фінансавання для завяршэння праекта. Дапамогу ў яго завяршэнні і наладжванні вытворчасці гатовая аказаць аўстрыйская кампанія.

«Думаю, што ў 2020 годзе мы яго [завод — Рэд.] запусцім. У праект ужо ўкладзена $265 мільёнаў, таму ён павінен запрацаваць», — сказаў Леанід Анфімаў.

Першапачаткова планавалася запусціць гэты завод яшчэ ў 2015 годзе.

Для завяршэння праекта хочуць прыцягнуць бюджэтную пазыку ў памеры $83 мільёны.

Анфімаў адзначыў:

«З аднаго боку, ёсць гонар за краіну, што мы рэалізуем такія маштабныя праекты, нам яны пад сілу, але з іншага — пакуль ён, на жаль, не працуе, гэта помнік».

0
Вожык / Адказаць
25.10.2019 / 19:30
Не сказал, кому именно это памятник? Всем, наверное, и так понятно
0
Павел з Мiнску / Адказаць
25.10.2019 / 19:35
С такими чиновниками как вы Беларусь может быть только на дне((
0
Трактарыст-максімаліст / Адказаць
25.10.2019 / 19:57
пакуль ён, на жаль, не працуе, гэта помнік».
Хто-небудзь с чыноўнікаў панёс за гэта адказнасць? Хто-небудзь з іх пайшоў на біржу шукаюць новую працу? Не і яшчэ раз не. Гэта толькі рабацяг выкідваюць на вуліцу за якую дробязь. А гэтыя пускаюць на вецер сотні мільёнаў далараў і ніякай адказнасці. Максімум на іншае хлебнае месца перавядуць с высокім акладам, льготамі, прэміямі, службовым аўто с персанальным шафёрам, службовым жыллём і напрыканцы персанальная пенсія дзяржслужачага. Чаму ім не жыць пры гэтым рэжыме і не бараніць яго? Каб на Захадзе менеджэры завалілі будоўлю, то праз тыдзень ботам пад сраку і ідзі шукай новую працу. З адмоўнай характэрыстыкай. Ну а тут ім лепата. Тут 300 мільёнаў даляраў спусцілі, на цэментных заводах мільярд. І нікога не тое, што не пасадзілі, а нават не звольнілі.


Паказаць усе каментары/ 13 /
Каб пакінуць каментар, калі ласка, актывуйце JavaScript у наладах свайго браўзеру