Казахстан плануе пастаўляць у Беларусь ад 1 да 3,5 млн тон нафты і нафтапрадуктаў штогод. Пра гэта паведаміў міністр энергетыкі Казахстана Канат Базумбаеў, перадае «Казінфарм».
«Мы на мінулым тыдні з беларускім бокам парафіравалі пагадненне аб пастаўках нафты і нафтапрадуктаў у Рэспубліку Беларусь і агулам аб супрацоўніцтве ў гэтай сферы. Асноўныя прынцыпы ўсе гатовыя. Мы ўнутрыдзяржаўныя працэдуры пройдзем, потым кагосьці ўпаўнаважым, то-бок, мы падпішам, яны падпішуць, далей на ратыфікацыю адправім», — сказаў Базумбаеў.
Кіраўнік Мінэнерга Казахстана таксама адзначыў, што расійскі бок нармальна адрэагаваў на гэтае пагадненне Беларусі і Казахстана.
«Ніякай негатыўнай рэакцыі няма. У нас добрыя адносіны з расійскімі калегамі», — падкрэсліў Канат Базумбаеў.