Гомель у канцы кастрычніка атрымаў у бязвыплатнае карыстанне 4 веластанкі. Гэта станцыі з інструментамі для самастойнага абслугоўвання і рамонту ровара. Для зручнасці веласіпедыстаў яны былі ўсталяваныя ў розных раёнах горада ў грамадскіх месцах.
Як стала вядома ЧП Гомель, праз два дні пасля ўстаноўкі — з двух веластанкоў зніклі наборы інструментаў, а менавіта мульцітул з шасціграннікам. Адбылося гэта 26 кастрычніка ў пункце каля кінатэатра «Мір» і «Кастрычнік». Усе прылады былі замацаваны спецыяльным ланцугом.
Аднак былі апублікаваныя кадры відэаназірання камеры, што знаходзіцца ў месцы веластанка. На кадрах бачна, што мульцітул чырвонага колеру замацаваны ланцугом і вісіць на станку. Да яго пад'язджае малады хлопец у шлеме і велаформе з надпісам «Беларусь». Ён вельмі доўга правярае свой ровар, а затым азіраецца, бярэ прымацаваны ланцугом мульцітул і адкручвае яго. У яго з рук выпадаюць гайкі, ён іх збірае і кладзе разам з наборам ключоў сабе ў заплечнік.
Сёння малады чалавек сустрэўся з прадстаўнікамі ТАА «ВелаГомель» і прынёс свае прабачэнні, пішуць «Сильные новости».
«Некаторым людзям варта зняць ружовыя акуляры». Лявончык — пра Мельнікаву, уцечку ў «Байхэлп», белыя паліто і грошы на 1300 палітвязняў10
Каментары